Categories
headlines

നവജാത ശിശുവിനെ അമ്മ ശ്വാസം മുട്ടിച്ച് കൊലപ്പെടുത്തി

ഇടുക്കി: കട്ടപ്പനയിൽ ബാങ്ക് ജീവനക്കാരിയായ യുവതി സ്വകാര്യ ഹോസ്റ്റലിൽ പ്രസവിച്ച കുഞ്ഞ് ശ്വാസം മുട്ടിയാണ്  മരിച്ചതെന്നാണ് പോസ്റ്റ് മോർട്ടം റിപ്പോർട്ട്. ഇതോടെ യുവതിക്കെതിരെ കൊലപാതക കുറ്റത്തിനടക്കം കേസെടുക്കും.  അവിവാഹിതയായ യുവതി ആൺ കുഞ്ഞിനു ജൻമം നൽകിയത് കഴിഞ്ഞ വെള്ളിയാഴ്ച്ചയാണ്.
യുവതി ഗർഭിണിയാണെന്ന വിവരം ഹോസ്റ്റലിലെ സഹവാസികൾക്കും വീട്ടുകാർക്കും അറിയില്ലായിരുന്നു. ഗർഭാവസ്ഥ മറച്ചു വച്ച് യുവതി ജോലിക്ക് പോയിരുന്നു. എന്നാൽ വെള്ളിയാഴ്ച്ച പ്രസവ വേദനയെ തുടർന്ന് യുവതി ഹോസ്റ്റൽ മുറിയിൽ ആൺകുഞ്ഞിനു ജൻമം നൽകുകയായിരുന്നു. ആളുകൾ എത്തിയപ്പോഴേക്കും കുഞ്ഞ് മരിച്ച നിലയിലായിരുന്നു. പ്രസവത്തോടെ കുട്ടിമരിക്കുകയായിരുന്നുവെന്നാണ് യുവതി മൊഴി നൽകിയത്.
എന്നാൽ ആരോഗ്യ നില വഷളായ യുവതിയെ ഉടൻ തന്നെ നെടുങ്കണ്ടത്തെ ആശുപത്രിയിലും പിന്നീട് കോട്ടയം മെഡിക്കൽ കോളെജിലും പ്രവേശിപ്പിച്ചു.  കുഞ്ഞ് മരിച്ച സംഭവത്തിൽ അസ്വാഭാവിക മരണത്തിനു കേസെടുത്ത പൊലീസ് കുട്ടിയുടെ മൃതദേഹം കോട്ടയം മെഡിക്കൽ കോളെജിലേക്ക് പോസ്റ്റ് മോർട്ടത്തിനായി അയച്ചു. പോസ്റ്റ് മോർട്ടം റിപ്പോർട്ടിലാണ് കുഞ്ഞിൻറെ മരണം ശ്വാസം മുട്ടിയാണെന്ന് വ്യക്തമായത്. ആശുപത്രിയിൽ നിന്നും യുവതി ഡിസ്ചാർജ് ചെയ്യുന്നതോടെ പൊലീസ് അറസ്റ്റ് രേഖപ്പെടുത്തുമെന്നാണ് ലഭിക്കുന്ന വിവരം.

Spread the love
പിറവം ന്യൂസ് ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
Piravom News Live

RELATED NEWS

NEWS ROUND UP

prajital