#BennyBehanan | പെരുമ്പാവൂരിനെ മറന്ന ബെന്നി ബെഹനാനെതിരെ പ്രതിഷേധം ശക്തം

#BennyBehanan | പെരുമ്പാവൂരിനെ മറന്ന ബെന്നി ബെഹനാനെതിരെ പ്രതിഷേധം ശക്തം
Apr 17, 2024 06:09 AM | By Amaya M K

പെരുമ്പാവൂർ : (piravomnews.in) പെരുമ്പാവൂരിനെ കഴിഞ്ഞ അഞ്ചുവർഷം മറന്ന ബെന്നി ബെഹനാനെതിരെ പ്രതിഷേധം ശക്തം.

സമൂഹമാധ്യമങ്ങളിലൂടെയും നേരിട്ടും പ്രതിഷേധച്ചൂട്‌ അറിയുകയാണ്‌ യുഡിഎഫ്‌ സ്ഥാനാർഥി. കോൺഗ്രസ്‌ പ്രവർത്തകരും അനുഭാവികളുമാണ്‌ ഇതിൽ മുന്നിൽ നിൽക്കുന്നത്‌. സ്ഥാനാർഥിയുടെ ജന്മനാടായ വെങ്ങോല മേപ്രത്തുപടി ഉൾപ്പെടുന്നതാണ്‌ പെരുമ്പാവൂർ നിയോജക മണ്ഡലം.

വികസന പ്രവർത്തനങ്ങളോട്‌ മുഖംതിരിച്ചതാണ്‌ പ്രതിഷേധത്തിന്‌ കാരണം. പെരുമ്പാവൂർ നഗരത്തിലെ ഗതാഗതക്കുരുക്ക്, വേങ്ങൂർ, കൂവപ്പടി പഞ്ചായത്തുകളിലെ വന്യമൃഗശല്യം, വെങ്ങോല, അശമന്നൂർ, മുടക്കുഴ, കൂവപ്പടി പഞ്ചായത്തുകളിലെ കുടിവെള്ളപ്രശ്നം എന്നിവ പരിഹരിക്കാൻ എംപിയിൽനിന്ന്‌ നടപടികളുണ്ടായില്ലെന്ന്‌ നാട്ടുകാർ പറയുന്നു.

വെങ്ങോല കമ്യൂണിറ്റി ഹെൽത്ത് സെന്റർ, രായമംഗലം കുടുംബാരോഗ്യകേന്ദ്രം എന്നിവയുടെ വികസനത്തിന് ഫണ്ട്‌ നൽകിയില്ല.

കഴിഞ്ഞവർഷം താലൂക്കാശുപത്രിയിൽ ഡയാലിസിസ് സെന്ററിന്റെ ഉദ്ഘാടനത്തിനെത്തിയ ബെന്നി ബെഹനാനെ അന്നത്തെ മുനിസിപ്പൽ ചെയർമാനായിരുന്ന കോൺഗ്രസ് നേതാവ് ടി എം സക്കീർ ഹുസൈൻ യോഗത്തിൽ പരസ്യമായി പരിഹസിച്ചത്‌ നാട്‌ മറന്നിട്ടില്ല.

താലൂക്കാശുപത്രിയിൽ ഡയാലിസിസ് സെന്ററിനുവേണ്ടി ഭരണ -പ്രതിപക്ഷ അംഗങ്ങൾ പലതവണ സമീപിച്ചിട്ടും എംപി ഫണ്ട്‌ നൽകിയില്ല. ഔഷധി ജങ്ഷനിലെ തകർന്ന സിഗ്നൽ സംവിധാനം പുനഃസ്ഥാപിക്കാൻ ഫണ്ട് ആവശ്യപ്പെട്ടങ്കിലും എംപി കനിഞ്ഞില്ല.

ഇന്നസെന്റ്‌ എംപി ഫണ്ട് അനുവദിച്ച വേങ്ങൂർ–- കളമ്പാടൻ തൊണ്ട്–- വെട്ടുവളവ് റോഡിന്റെ നിർമാണം തുടങ്ങിയത് അടുത്തദിവസമാണ്. നിർമാണം പൂർത്തിയാക്കാതെ കുറുപ്പംപടി–-കുറിച്ചിലക്കോട് റോഡ്‌ ഇലക്‌ഷൻ പ്രഖ്യാപനത്തിനുമുമ്പ് ഉദ്ഘാടനം നടത്തിയത് വിവാദത്തിലായി.

മരോട്ടിക്കടവ്–- - ത്രിവേണി -–- പറമ്പിപീടിക –-മേതല അംബേദ്കർ കനാൽ ബണ്ട് റോഡ്‌ നിർമാണം പൂർത്തിയാകാതെ കിടക്കുന്നു. റബർ പാർക്ക്–- - ആലിൻചുവട്–- - ടാങ്ക് സിറ്റി–- -മേപ്രത്തുപടി –-- മങ്കുഴി റോഡിന്റെ നിർമാണ അപാകംമൂലം ജനങ്ങൾ പ്രതിഷേധത്തിലാണ്.

എംപിയുടെ തറവാട്ടുവീടിനു മുന്നിലൂടെ പോകുന്ന മേപ്രത്തുപടിമുതൽ ടാങ്ക് സിറ്റിവരെ അഞ്ചുമീറ്റർ വീതിയിലുള്ള റോഡ് നാല് മീറ്ററാക്കി ചുരുക്കി ടാർ ചെയ്തു. ടാങ്ക്സിറ്റിമുതൽ റബർ പാർക്ക്‌വരെ പൊളിച്ചിട്ടിട്ട് തിരിഞ്ഞുനോക്കിയിട്ടില്ല.

വല്ലം– തൊടാപറമ്പ് -–- കാവുംപറമ്പ്–- വഞ്ചിപറമ്പ് റോഡിന്റെ ടെൻഡർ പോലും ആയിട്ടില്ല. മണ്ഡലത്തിൽ എസ്‌സി ഫണ്ട് വിനിയോഗിക്കാത്തതിനെതിരെ ദളിത് സംഘടനകളും പ്രതിഷേധത്തിലാണ്‌.

ഇന്നസെന്റ്‌ കൊണ്ടുവന്ന അതിരപ്പിള്ളി -കോടനാട് ടൂറിസം സർക്യൂട്ട് പദ്ധതി നിലയ്ക്കാൻ കാരണം ബെന്നി ബെഹനാന്റെ അനാസ്ഥയാണെന്നും നാട്ടുകാർ പറയുന്നു.

#Protest #against #BennyBehanan who #forgot #Perumbavoor is #strong

Next TV

Related Stories
#founddead | വയോധികനെ മരിച്ച നിലയില്‍ കണ്ടെത്തി

May 19, 2024 07:50 PM

#founddead | വയോധികനെ മരിച്ച നിലയില്‍ കണ്ടെത്തി

കസേരയില്‍ നിന്ന് വെള്ളത്തിലേക്ക് വീണതാണെന്നാണ് സംശയം. പോസ്റ്റ്‌മോര്‍ട്ടത്തിന് ശേഷം മാത്രമേ മരണകാരണം...

Read More >>
#arrest | വരാപ്പുഴയിൽ ലോഡ്ജിൽ യുവതിയടക്കം അഞ്ച് പേരെന്ന് വിവരം, പൊലീസെത്തിയപ്പോൾ കണ്ടത് പലതരം മയക്കുമരുന്ന്, ഒരു ഡയറിയും

May 19, 2024 07:21 PM

#arrest | വരാപ്പുഴയിൽ ലോഡ്ജിൽ യുവതിയടക്കം അഞ്ച് പേരെന്ന് വിവരം, പൊലീസെത്തിയപ്പോൾ കണ്ടത് പലതരം മയക്കുമരുന്ന്, ഒരു ഡയറിയും

ലോ‍ഡ്ജിൽ യുവതിയടക്കമുള്ള ഒരു സംഘം തങ്ങുന്നുണ്ടെന്നായിരുന്നു പൊലീസിന് കിട്ടിയ വിവരം. തുടർന്ന് നടത്തിയ പരിശോധനയിലാണ് ലഹരിമരുന്ന് കണ്ടെടുത്തത്....

Read More >>
#moovattupuzha | സൗ​രോ​ർ​ജ ബൈ​ക്ക് നി​ർ​മി​ച്ച് ഇ​ലാ​ഹി​യ എ​ൻ​ജി​നീ​യറി​ങ് കോ​ള​ജ് വി​ദ്യാ​ർ​ഥി​ക​ൾ

May 19, 2024 11:10 AM

#moovattupuzha | സൗ​രോ​ർ​ജ ബൈ​ക്ക് നി​ർ​മി​ച്ച് ഇ​ലാ​ഹി​യ എ​ൻ​ജി​നീ​യറി​ങ് കോ​ള​ജ് വി​ദ്യാ​ർ​ഥി​ക​ൾ

ര​ണ്ട് കോം​പാ​ക്ട് സോ​ളാ​ർ പാ​ന​ൽ ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന ബി.​എ​ൽ.​സി മോ​ട്ടോ​റി​ന്‍റെ സ​ഹാ​യ​ത്തോ​ടെ​യാ​ണ് ബൈ​ക്കി​ന്‍റെ...

Read More >>
 #arrest | ഡ്രൈ​വ​റെ കു​ത്തി​പ്പ​രി​ക്കേ​ൽ​പി​ച്ച കേ​സി​ലെ പ്ര​തി​യെ തൃ​ക്കാ​ക്ക​ര പൊ​ലീ​സ് പി​ടി​കൂ​ടി

May 19, 2024 10:56 AM

#arrest | ഡ്രൈ​വ​റെ കു​ത്തി​പ്പ​രി​ക്കേ​ൽ​പി​ച്ച കേ​സി​ലെ പ്ര​തി​യെ തൃ​ക്കാ​ക്ക​ര പൊ​ലീ​സ് പി​ടി​കൂ​ടി

തു​ട​ർ​ന്നു​ണ്ടാ​യ പ്ര​കോ​പ​ന​ത്തി​ൽ ഓ​ട്ടോ ഡ്രൈ​വ​റാ​യ പ്ര​തി ഷെ​ഫീ​ഖ്​ ക​ത്തി​കൊണ്ട്...

Read More >>
#fire | കൊച്ചിയിലേക്ക് പുറപ്പെട്ട എയര്‍ ഇന്ത്യാ എക്‌സ്പ്രസിന് തീ പിടിച്ചു; യാത്രക്കാർക്ക് പരിക്ക്

May 19, 2024 10:40 AM

#fire | കൊച്ചിയിലേക്ക് പുറപ്പെട്ട എയര്‍ ഇന്ത്യാ എക്‌സ്പ്രസിന് തീ പിടിച്ചു; യാത്രക്കാർക്ക് പരിക്ക്

എമർജൻസി വാതിലിലൂടെ ഒഴിപ്പിക്കുന്നതിനിടെ തിക്കിലും തിരക്കിലും പെട്ട് യാത്രക്കാരിൽ ചിലർക്ക് നിസ്സാര...

Read More >>
#arrest | നടുറോഡിൽ ഭാര്യയെ കുത്തിക്കൊലപ്പെടുത്തിയ സംഭവം; പ്രതിയായ ഭർത്താവ് രാജേഷ് പിടിയിൽ

May 19, 2024 10:33 AM

#arrest | നടുറോഡിൽ ഭാര്യയെ കുത്തിക്കൊലപ്പെടുത്തിയ സംഭവം; പ്രതിയായ ഭർത്താവ് രാജേഷ് പിടിയിൽ

ഭര്‍ത്താവ് രാജേഷിന്റെ അവിഹിത ബന്ധത്തെ ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്നാണ് പൊലീസ് വിശദീകരണം....

Read More >>
Top Stories