---
title: "അമ്മയുടെ കൈ വിട്ട് ഓടി ; സ്കൂൾ ബസിടിച്ച് ആറുവയസുകാരിക്ക് ദാരുണാന്ത്യം"
english_title: "Six-year-old girl dies after being hit by school bus after running away from mother"
publisher: "piravomnews.in"
canonical_url: "https://piravom.truevisionnews.com/news/300025/six-year-old-girl-dies-after-being-hit-by-school-bus-after-running-away-from-mother"
published_at: "2025-07-02T13:06:00+05:30"
category: "Obituary"
language: "ml"
image: "https://cf.zdn.im/img/truevisionnews.com/0/image-uploads/6864e21f40dff_DEATH.jpg"
keywords: []
---

# അമ്മയുടെ കൈ വിട്ട് ഓടി ; സ്കൂൾ ബസിടിച്ച് ആറുവയസുകാരിക്ക് ദാരുണാന്ത്യം

> **Lead Summary:** പാലക്കാട്: സ്കൂൾ ബസിടിച്ച് ആറുവയസുകാരിക്ക് ദാരുണാന്ത്യം . പുലാശ്ശേരിക്കര സ്വദേശി കൃഷ്ണകുമാറിന്റെ മകൾ ആരവ് ആണ് മരിച്ചത് .

## Article Content

പാലക്കാട്: സ്കൂൾ ബസിടിച്ച് ആറുവയസുകാരിക്ക് ദാരുണാന്ത്യം . പുലാശ്ശേരിക്കര സ്വദേശി കൃഷ്ണകുമാറിന്റെ മകൾ ആരവ് ആണ് മരിച്ചത് .

അമ്മയുടെ കണ്മുന്നിൽ വെച്ചാണ് അപകടം നടന്നത് . കഴിഞ്ഞ ദിവസമായിരുന്നു അപകടം. ഇന്നലെ വൈകുന്നേരം സ്‌കൂള്‍ വിട്ടതിനുശേഷം കുട്ടി വീട്ടുമുറ്റത്തിറങ്ങി അമ്മയുടെ കൈപിടിച്ച് നടക്കുകയായിരുന്നു.

തുടര്‍ന്ന് കുട്ടി അമ്മയുടെ കൈ വിട്ട് ഓടുകയും, ഈ സമയത്ത് എതിര്‍ ദിശയില്‍ നിന്ന് വന്ന മറ്റൊരു സ്‌കൂള്‍ ബസ് ഇടിക്കുകയുമായിരുന്നു. ഗുരുതരമായി പരിക്കേറ്റ ആരവിനെ പട്ടാമ്പിയിലെ ആശുപത്രിയിലും പിന്നീട് പെരുന്തല്‍മണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.

### Related Links & Sources
- [Original Story Source](https://piravom.truevisionnews.com/news/300025/six-year-old-girl-dies-after-being-hit-by-school-bus-after-running-away-from-mother)