.png)
കൂത്താട്ടുകുളം : (piravomnews.in) വീടും സ്ഥലവും ഇല്ലാത്ത നഗരവാസികൾക്ക് സ്വന്തമായി വീടെന്ന സ്വപ്നം അൽപ്പം അകലെയെങ്കിലും കൂത്താട്ടുകുളത്ത് നടപ്പാക്കാൻ സാധിച്ചതിൽ കൊച്ചി കോർപറേഷന്‌ ഏറെ അഭിമാനമുണ്ടെന്ന്‌ മേയർ എം അനിൽകുമാർ പറഞ്ഞു.
കോർപറേഷൻ കൂത്താട്ടുകുളത്ത് പൂർത്തിയാക്കുന്ന ലൈഫ് ഭവനപദ്ധതി അവലോകനത്തിനായി എത്തിയതായിരുന്നു മേയർ.നഗരസഭയിലെ കിഴകൊമ്പിലാണ് ഭവനരഹിതർക്ക് വീടുകൾ ഒരുങ്ങുന്നത്.
സ്വന്തമായി സ്ഥലവും വീടുമില്ലാത്ത 46 കുടുംബങ്ങൾക്ക് മൂന്നുസെന്റ്‌ സ്ഥലംവീതമാണ് അനുവദിച്ചത്. സംസ്ഥാന സർക്കാർ സൗജന്യ രജിസ്ട്രേഷനിലൂടെ സ്ഥലം പതിച്ചുനൽകി.
രണ്ടേകാൽ ഏക്കർ സ്ഥലത്ത് കൊച്ചി കോർപറേഷനിലെ -39, ചേരാനല്ലൂർ പഞ്ചായത്തിലെ 5, എടത്തല പഞ്ചായത്തിലെ 2 വീതം കുടുംബങ്ങൾക്കാണ് വീടൊരുങ്ങുന്നത്. ഭൂരിഭാഗം വീടുകളും പൂർത്തിയായി. പൊതുവഴി, വാട്ടർ ടാങ്ക്, പൊതു കളിസ്ഥലം എന്നിവയ്‌ക്കും സ്ഥലം നീക്കിവച്ചിട്ടുണ്ട്.
Kochi's life is rising in Koothattukulam
