.png)
കൊച്ചി : (piravomnews.in) കൊച്ചി മെട്രോയിൽ വിദ്യാർഥികൾക്കുള്ള യാത്രാ ഇളവുകൾ നിർത്തലാക്കിയതിൽ എസ്‌എഫ്‌ഐയുടെ ഉജ്വലപ്രതിഷേധം.
വിദ്യാർഥി പാസുകൾ പുനഃസ്ഥാപിക്കണമെന്ന്‌ ആവശ്യപ്പെട്ട്‌ ജെഎൽഎൻ സ്‌റ്റേഡിയം സ്‌റ്റേഷനിലെ മെട്രോ കോർപറേറ്റ്‌ ഓഫീസിലേക്ക്‌ എസ്‌എഫ്‌ഐ ജില്ലാ കമ്മിറ്റി നേതൃത്വത്തിലായിരുന്നു മാർച്ച്‌.അവധിദിനമായിട്ടും പ്രതികൂലകാലാവസ്ഥയെ അവഗണിച്ച്‌ ജില്ലയിലെ വിവിധ കലാലയങ്ങളിൽനിന്നുള്ള വിദ്യാർഥികൾ മാർച്ചിൽ അണിനിരന്നു.
ദേശാഭിമാനി ജങ്‌ഷനിൽനിന്ന്‌ മാർച്ച്‌ ആരംഭിച്ചു. കോർപറേറ്റ്‌ ഓഫീസിനുമുന്നിൽ ധർണ ജില്ലാ പ്രസിഡന്റ്‌ ആശിഷ്‌ എസ് ആനന്ദ് ഉദ്‌ഘാടനം ചെയ്‌തു. സംസ്ഥാന കമ്മിറ്റി അംഗങ്ങളായ മുഹമ്മദ്‌ സഹൽ, സേതുപാർവതി,എച്ച്‌ നന്ദകുമാർ, ടി അഘേന്ദ്ര എന്നിവർ സംസാരിച്ചു.
തുടർന്ന്‌ മെട്രോ ഡയറക്ടർ ബോർഡംഗം സഞ്‌ജയ്‌ കുമാറുമായി എസ്‌എഫ്‌ഐ നേതാക്കൾ ചർച്ച നടത്തി. അധികൃതർ നൽകിയ ഉറപ്പിൽ പ്രതിഷേധം താൽക്കാലികമായി അവസാനിപ്പിച്ചു.
SFI protests against the abolition of travel concessions for students in Kochi Metro
