ചാരായവുമായി മധ്യവയസ്കൻ പിടിയിൽ

പുതുക്കാട്: (piravomnews.in) വാറ്റ് ചാരായവുമായി മധ്യവയസ്കൻ പിടിയിൽ. വരന്തരപ്പിള്ളി പൗണ്ട് വിരുത്തി വീട്ടിൽ രമേശി (53നെയാണ് എക്സെെസ് ഇൻസ്‌പെക്ടർ കെ കെ സുധീറും സം​ഘവും ചേർന്ന് തൃശൂർ കണ്ണൻകുളങ്ങര ടി ബി റോഡിൽ നിന്നും ശനിയാഴ്ച പകൽ 3.30 ഓടെ പിടികൂടിയത്.

ഓട്ടോറിക്ഷയിൽ കടത്തുകയായിരുന്ന 5 ലിറ്റർ ചാരായവും ഇയാളിൽ നിന്ന് പിടികൂടി. തൃശൂർ മാർക്കറ്റിൽ നിന്നും പഴുത്ത് ഉപയോഗ ശൂന്യമായ ഞാവൽ പഴങ്ങൾ മൊത്തമായി ഒരാൾ വാങ്ങി കൊണ്ട് പോകുന്നു എന്ന വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് രമേശ്‌ പിടിയിലായത്.

Also read: വെളിയങ്കോടിന്റെ ആകാശനക്ഷത്രത്തിന് ആദരവോടെ സ്വീകരണം

കൊഴുക്കുള്ളിയിൽ വാടകക്ക് വീട് എടുത്താണ് ഇയാൾ ചാരായം വാറ്റിയിരുന്നത്. ഒരു കുപ്പി ചാരായത്തിന് 1000 രൂപ വെച്ചാണ് ഇയാൾ വില്പന നടത്തിയിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.അസി എക്സൈസ് ഇൻസ്‌പെക്ടർമാർ ആയ എ പി പ്രവീൺ കുമാർ, എൻ ആർ രാജു, ടി ജെ രഞ്ജിത്ത്, സി ഇ ഒ മാരായ ആർ അരുൺ കുമാർ, അനൂപ് ദാസ്, കെ ആർ ബിജു ഡ്രൈവർ ടി ആർ ഷൈജു എന്നിവർ ചേർന്നാണ് പ്രതിയെ പിടികൂടിയത്.

Middle-aged man arrested with liquor