.png)
കൊച്ചി : (piravomnews.in) ബസേലിയോസ്‌ മാർ ജോസഫ് കാതോലിക്ക ബാവായ്‌ക്ക്‌ കൊച്ചി നഗരത്തിന്റെ സ്നേഹാദരം. നഗരസഭയുടെയും എറണാകുളം പൗരാവലിയുടെയും നേതൃത്വത്തിൽ എറണാകുളം ടൗൺഹാളിൽ നൽകിയ സ്വീകരണത്തിൽ നിരവധിപേർ പങ്കെടുത്തു.വ്യവസായമന്ത്രി പി രാജീവ്‌ ഉദ്ഘാടനം ചെയ്തു.
എല്ലാവരെയും ഐക്യത്തോടെ മുന്നോട്ടുനയിക്കാനുള്ള സമീപനമാണ്‌ ഉത്തരവാദിത്വമേറ്റപ്പോൾമുതൽ കാതോലിക്ക ബാവാ സ്വീകരിച്ചതെന്ന്‌ മന്ത്രി പറഞ്ഞു.
വെല്ലുവിളികൾ നിറഞ്ഞവഴികളിൽ അസാധാരണ ധൈര്യത്തോടെ ബസേലിയോസ്‌ തോമസ്‌ പ്രഥമൻ ബാവാ സഭയെ നയിച്ചു. അതുതുടരാൻ ജോസഫ് കാതോലിക്ക ബാവായ്‌ക്ക്‌ കഴിയട്ടെയെന്നും മന്ത്രി പറഞ്ഞു.
ചടങ്ങിൽ മേയർ എം അനിൽകുമാർ അധ്യക്ഷനായി. പ്രൊഫ. എം കെ സാനു, കർദിനാൾ മാർ ജോർജ് ആലഞ്ചേരി, വരാപ്പുഴ അതിരൂപത സഹായ മെത്രാൻ ഡോ. ആന്റണി വാലുങ്കൽ, ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാനതപസ്വി, എറണാകുളം സെൻട്രൽ ജുമാ മസ്ജിദ് ചീഫ് ഇമാം മുഹമ്മദ് അർഷദ് അൽ ബദ്‌രി വടുതല, എറണാകുളം കരയോഗം ജനറൽ സെക്രട്ടറി പി രാമചന്ദ്രൻ, ഹൈബി ഈഡൻ എംപി, പ്രോഗ്രാം കമ്മിറ്റി ജനറൽ കൺവീനർ ടി ജെ വിനോദ്‌ എംഎൽഎ തുടങ്ങിയവർ സംസാരിച്ചു.
The love and respect of the city of Kochi for Catholicos Baselios Mar Joseph
.jpg)
