.png)
മുളന്തുരുത്തി : (piravomnews.in) ബൈക്കിൽനിന്ന്‌ കനാലിൽ വീണ യുവാവിനെ അഗ്നി രക്ഷാസേന രക്ഷപ്പെടുത്തി. തുപ്പംപടി കാപ്പിൽ വീട്ടിൽ വിജീഷിനെ (38)യാണ് രക്ഷപ്പെടുത്തിയത്.
തുപ്പംപടി ഷാപ്പിനു മുൻവശമുള്ള ഏകദേശം 35 അടിയോളം ആഴമുള്ള കനാലിൽ വീണുകിടക്കുകയായിരുന്നു യുവാവ്. തിങ്കള്‍ വൈകിട്ട് നാലോടെയാണ് അപകടമുണ്ടായത്.
കനാലിൽ ഇറങ്ങി നാട്ടുകാരായ രണ്ടുപേർ യുവാവിനെ താങ്ങിനിർത്തി. കനാലില്‍ വെള്ളമുണ്ടായിരുന്നില്ല. സ്ഥലത്തെത്തിയ മുളന്തുരുത്തി അഗ്നി രക്ഷാസേന ഉദ്യോഗസ്ഥർ റോപ്പും വലയും കോണിയുമുപയോഗിച്ച് യുവാവിനെ മുകളിലെത്തിച്ചു. ആംബുലൻസില്‍ മുളന്തുരുത്തി സർക്കാരാശുപത്രിയിൽ യുവാവിനെ എത്തിച്ച് ചികിത്സ നല്‍കി, പരിക്ക് ഗുരുതരമല്ല.
മുളന്തുരുത്തി അഗ്നി രക്ഷാസേന അസി. സ്റ്റേഷൻ ഓഫീസർ യു ഇസ്മയിൽ ഖാന്‍, സീനിയർ ഓഫീസർ രാജേഷ്,ഓഫീസർമാരായ സുനിൽകുമാർ, അനൂപ് കൃഷ്ണൻ, ജിജോ മിഥുൻ, പ്രജീഷ് സാബു, ജേക്കബ് എന്നിവരാണ് രക്ഷാപ്രവർത്തനം നടത്തിയത്.
Firefighters rescue young man who fell from bike into canal
