കൊല്ലം :കല്ലടയാറ്റിലൂടെ കിലോമീറ്ററോളം ഒഴുക്കിപ്പെട്ടു അദ്ഭുതകരമായി രക്ഷപ്പെട്ട് വാർത്തകളില് ഇടംനേടിയ സ്ത്രീയെ വീട്ടിനുള്ളില് തൂങ്ങിമരിച്ചനിലയില് കണ്ടെത്തി.
![](https://tvn.zdn.im/img/truevisionnews.com/0/image-uploads/6742c73a1cb26_onm p.jpeg)
കുളക്കടക്കിഴക്ക് മനോജ് ഭവനില് ശ്യാമളയമ്മ (62)യാണ് മരിച്ചത്. തിങ്കളാഴ്ച രാവിലെ ഏഴരയ്ക്ക് വീട്ടിലെ അടുക്കളയോടു ചേർന്ന മുറിയിലാണ് തൂങ്ങിയനിലയില് കണ്ടത്.
ഭർത്താവ് രാവിലെ റബ്ബർ ടാപ്പിങ്ങിനായി പുറത്തുപോകുക പതിവായിരുന്നു. കടയിലേക്കു പോയ മകൻ തിരിച്ചുവന്നപ്പോഴാണ് സംഭവം ശ്രദ്ധയില്പ്പെടുന്നത്. ശ്യാമളയമ്മയെ ഉടൻതന്നെ കൊട്ടാരക്കര താലൂക്ക് ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
ഈവർഷം മേയ് 28-ന് രാവിലെയാണ് ശ്യാമളയമ്മ വീടിനു സമീപത്തെ കടവില്നിന്ന് കല്ലടയാറ്റില് ഒഴുക്കില്പ്പെടുന്നത്. മഴകാരണം വെള്ളമുയർന്ന നദിയിലൂടെ 10 കിലോമീറ്ററോളം ഒഴുകി ചെറുപൊയ്ക മംഗലശ്ശേരി കടവിനു സമീപത്തായിരുന്നു വന്നടിഞ്ഞത്. സ്ത്രീ ഒഴുകിയെത്തുന്നത് ശ്രദ്ധയില്പ്പെട്ട നാട്ടുകാർ അന്ന് വളരെ സാഹസികമായി അവരെ കരയ്ക്കെത്തിച്ച് ആശുപത്രിയില് പ്രവേശിപ്പിക്കുകയായിരുന്നു
ഭർത്താവ്: ഗോപിനാഥൻ പിള്ള.
മകൻ: മനോജ്കുമാർ.മൃതദേഹം വീട്ടുവളപ്പില് സംസ്കരിച്ചു.
A woman who miraculously escaped being swept away for 10 km in Kalladayat took her own life