കൊച്ചി : (piravomnews.in) സംസ്ഥാനത്തെ മികച്ച ജില്ലാ ലീഗൽ സർവീസസ് അതോറിറ്റിക്കുള്ള പുരസ്കാരം എറണാകുളം ജില്ലാ ലീഗൽ സർവീസസ് അതോറിറ്റിക്ക്.
ഭിന്നശേഷിക്കാർ, ആദിവാസികൾ, മുതിർന്ന പൗരർ, ട്രാൻസ്ജെൻഡർമാർ തുടങ്ങി വിവിധ മേഖലകളിലെ പ്രവർത്തനങ്ങൾ പരിഗണിച്ചാണ് എറണാകുളം ലീഗൽ സർവീസ് അതോറിറ്റിയെ പുരസ്കാരത്തിന് തെരഞ്ഞെടുത്തത്.
രണ്ടും മൂന്നും പുരസ്കാരങ്ങൾ യഥാക്രമം തിരുവനന്തപുരം, മഞ്ചേരി ജില്ലാ ലീഗൽ സർവീസസ് അതോറിറ്റികൾ കരസ്ഥമാക്കി.
ഹൈക്കോടതി ഓഡിറ്റോറിയത്തിൽ നടന്ന ചടങ്ങിൽ എറണാകുളം പ്രിൻസിപ്പൽ ജില്ലാ ജഡ്ജിയും ചെയർപേഴ്സണുമായ ഹണി എം വർഗീസ്, സബ് ജഡ്ജിയും സെക്രട്ടറിയുമായ രഞ്ജിത് കൃഷ്ണൻ എന്നിവർ ചേർന്ന് കെൽസ എക്സിക്യൂട്ടീവ് ചെയർമാൻ ജസ്റ്റിസ് എ മുഹമ്മദ് മുഷ്താഖിൽനിന്ന് പുരസ്കാരം ഏറ്റുവാങ്ങി.
ജസ്റ്റിസുമാരായ സി എസ് ഡയസ്, മേരി ജോസഫ്, ജസ്റ്റിസ് വി എം ശ്യാംകുമാർ, ജില്ലാ ജഡ്ജിയും കെൽസ മെമ്പർ സെക്രട്ടറിയുമായ ജോഷി ജോൺ, ജില്ലാ ജഡ്ജിയും എഡിആർ ഡയറക്ടറുമായ എ ജുബിയ എന്നിവർ സംസാരിച്ചു.
#Award for #District #Legal #Services #Authority to #Ernakulam