മരട് : (piravomnews.in) മരട് മൂത്തേടം പള്ളിയിലെ വിശ്വാസപ്രഖ്യാപനം ബെസ്റ്റ് ഓഫ് ഇന്ത്യ വേൾഡ് റെക്കോഡ്സിൽ ഇടംനേടി.
മൂത്തേടം സെന്റ്‌ മേരി മഗ്‌ദലിൻ ദേവാലയത്തിൽ 191–-ാംതിരുനാളിനോടനുബന്ധിച്ച് 313 വനിതകൾ മേരി മഗ്‌ദലിന്റെ വേഷവിതാനങ്ങളിൽ അണിനിരന്ന് നടത്തിയ വിശ്വാസപ്രഖ്യാപനമാണ്‌ റെക്കോഡ്‌ നേട്ടം കൈവരിച്ചത്‌.
തിരുനാളിന്റെ കൊടിയേറ്റ ദിവസമായ ബുധനാഴ്ചയാണ്‌ വിശ്വാസപ്രഖ്യാപനം നടന്നത്‌. പച്ച വസ്ത്രത്തിനുമുകളിൽ ചുവന്ന മേൽവസ്ത്രം ധരിച്ച് കിരീടംചൂടി സുവിശേഷ ഗ്രന്ഥവും വെള്ളത്തൂവാലയും സുഗന്ധദ്രവ്യ ചഷകവുമായി മേരി മഗ്ദലീന്റെ അതേ വേഷവിതാനങ്ങളോടെയാണ് വനിതകൾ അണിനിരന്നത്.
തിരുനാളിന് നേതൃത്വം നൽകുന്ന 253 വനിതകൾ ഉൾപ്പെടെയുള്ളവർ ചേർന്നാണ് 313 മേരി മഗ്ദലീൻമാരുടെ അപൂർവകാഴ്ച ഒരുക്കിയത്. കണ്ണൂർ രൂപത മെത്രാൻ ഡോ. അലക്സ് വടക്കുംതല തിരുനാൾ ആഘോഷങ്ങൾ കൊടിയേറ്റി. 14നാണ് പ്രധാന തിരുനാൾ.
The #Declaration of Faith at #Maradu #Moothedam #Church is listed in the #Best of #India #World #Records
