പിറവം.... മണീട് സർവീസ് സഹകരണ ബാങ്കിൽ കോടികളുടെ വെട്ടിപ്പ് നടക്കുന്നതായി സി പി ഐ എം മണീട് ലോക്കൽ കമ്മിറ്റി.ബാങ്കിൽ നടക്കുന്ന അഴിമതികളേക്കുറിച്ച് സമഗ്ര അന്വേഷണമാവശ്യപ്പെട്ട് ചൊവ്വാഴ്ച ബാങ്കിലേക്ക് പ്രതിക്ഷേധ മാർച്ച് നടത്തുമെന്ന് ലോക്കൽ സെക്രട്ടറി ബിജു സൈമൺ അറിയിച്ചു.
രാവിലെ 10ന് മണീട് കവലയിൽ നിന്നാരംഭിക്കുന്ന ബഹുജന മാർച്ച് സിപിഐ എം ജില്ല സെക്രട്ടേറിയേറ്റ് അംഗം പി ആർ മുരളിധരൻ ഉദ്ഘാടനം ചെയ്യും.ബാങ്കിനു മുമ്പിൽ നടക്കുന്ന ധർണ ഏരിയ സെക്രട്ടറി പിബി രതീഷ് ഉദ്ഘാടനം ചെയ്യും.മതിയായ ഈടില്ലാതെ ബന്ധുക്കളുടെ പേരിൽ വായ്പ അനുവദിച്ച് കോടികളുടെ വെട്ടിപ്പ് നടന്നിട്ടുണ്ട്.
സോഫ്റ്റ് വെയർ ഇൻസ്റ്റാൾ ചെയ്തതിലും, വളം വിൽപ്പനയിലും തുണിക്കട നവീകരണത്തിലും അഴിമതിയുണ്ട്.പ്രാഥമിക പരിശോധനയിൽ ക്രമക്കേട് കണ്ടെത്തിയിട്ടുള്ളതായും സമഗ്രാന്വേഷണം നടത്തി കുറ്റക്കാരെ കണ്ടെത്തി നടപടി സ്വീകരിക്കണമെന്നും സി പി ഐ എം ആവശ്യപ്പെട്ടു.
Money laundering in Maneet Co-operative Bank, CPI (M) protest