കൊച്ചി : (piravomnews.in) രണ്ടുപേരുടെ മരണത്തിനിടയാക്കിയ പുതിയകാവ് ചൂരക്കാട് അനധികൃത പടക്കസംഭരണ കേന്ദ്രത്തിലുണ്ടായ സ്ഫോടനത്തിലെ 10 പ്രതികൾക്ക് ഹൈക്കോടതി ജാമ്യം അനുവദിച്ചു.
പുതിയകാവ് ഭഗവതിക്ഷേത്രത്തിലെ ഉത്സവത്തോടനുബന്ധിച്ച് ഇറക്കിവച്ചിരുന്ന കരിമരുന്നുകൾ പൊട്ടിത്തെറിക്കുകയായിരുന്നു.
ദേവസ്വം, കരയോഗം ഭാരവാഹികളായ ഉദയംപേരൂർ പുത്തൻപുരയിൽ അനിൽകുമാർ, തെക്കുംഭാഗം ചാലിയത്ത് സന്തോഷ്, പുതിയകാവ് രേവതിയിൽ കൃഷ്ണൻകുട്ടിനായർ, കാരോത്ത് സതീശൻ, തെക്കുംഭാഗം വെട്ടുവേലിൽ ശശികുമാർ,
തെക്കുംഭാഗം പി കെ നിവാസിൽ രഞ്ജിത്, നാലുകെട്ടിൽ സജീവ് കുമാർ, പേരപറമ്പിൽ രാജീവ്, നാലുകെട്ടിൽ കെ കെ സത്യൻ, കളരിക്കൽത്തറ രാജീവ് എന്നിവർക്കാണ് ഉപാധികളോടെ ജാമ്യം നൽകിയത്.
കഴിഞ്ഞ ഫെബ്രുവരി 12നാണ് സ്ഫോടനമുണ്ടായത്. പ്രതികളുടെ ജാമ്യം മുമ്പ് ഹൈക്കോടതി തള്ളിയിരുന്നു. എന്നാൽ, 71 ദിവസമായി ജയിലിലാണെന്നതടക്കം പരിഗണിച്ചാണ് ജാമ്യം അനുവദിച്ചത്. ഒരുലക്ഷം രൂപയുടെ ബോണ്ടും തുല്യ തുകയ്ക്കുള്ള രണ്ട് ആൾ ജാമ്യവുമാണ് പ്രധാന വ്യവസ്ഥ.
#HighCourt #granted #bail to 10 #accused in #Puthikav #blast