കൂത്താട്ടുകുളം.... കാക്കൂർ–-വെട്ടിമൂട് റോഡിൽ ഞാളിപ്പറമ്പിൽതാഴത്ത് പൂച്ചാലിത്തോടിന്റെ കുറുകെയുള്ള പാലത്തിന്റെ നിർമാണം പൂർത്തിയായി. പണികളുടെ ഭാഗമായി വിച്ഛേദിച്ച ജലവിതരണപൈപ്പ് രണ്ടുദിവസത്തിനകം പുനഃസ്ഥാപിക്കുമെന്ന് ജല അതോറിറ്റി പിറവം സബ് ഡിവിഷൻ അസിസ്റ്റന്റ് എക്സിക്യൂട്ടീവ് എൻജിനിയർ സാബു തോമസ് അറിയിച്ചു.
പഞ്ചായത്ത് വൈസ് പ്രസിഡന്റ് എം എം ജോർജ്, വാർഡ് അംഗം കെ കെ രാജ്കുമാർ, അസി. എൻജിനിയർ ഡിനു കുര്യാക്കോസ് എന്നിവരോടൊപ്പം സ്ഥലത്ത് പരിശോധന നടത്തിയശേഷം പൈപ്പുകൾ ഉടൻ പുനഃസ്ഥാപിക്കാൻ കോൺട്രാക്ടർക്ക് കർശന നിർദേശം നൽകി.
ജില്ലാപഞ്ചായത്ത് ഫണ്ട് ഉപയോഗിച്ചാണ് നിർമാണം. പൈപ്പുലൈൻ പുനഃസ്ഥാപിക്കാൻ ജില്ലാപഞ്ചായത്ത് തുക അടച്ചിരുന്നു.
The construction of the bridge across Poochalithod at Njaliparambi on the Kakur--Vettimudu road has been completed.