മുളന്തുരുത്തി.... പെരുമ്പിള്ളി ഗ്രൗണ്ടിൽ സാമൂഹ്യ വിരുദ്ധരുടെ അഴിഞ്ഞാട്ടമെന്ന് പരാതി. മുളന്തുരുത്തി - പെരുമ്പിള്ളിയിൽ ഉള്ള കളിക്കളം ഗ്രൗണ്ടിൽ സാമൂഹ്യ വിരുദ്ധർ കാർ റൈസിങ് നടത്തുകയും ഗ്രൗണ്ട് പൂർണ്ണമായും നശിപ്പിക്കുകയും ചെയ്ത സംഭവത്തിൽ കുറ്റക്കാർക്കെതിരെ കർശന നടപടി വേണമെന്ന് ഡി.വൈ.എഫ്.ഐ ആവശ്യപെട്ടു.
നീണ്ട വർഷങ്ങളോളം പഴയ തലമുറയിലുള്ള കായിക പ്രേമികൾ നാടിനായി അഹോരാത്രം കഷ്ടപ്പെട്ട് നിർമിച്ച കളി സ്ഥലമാണ് ഇന്ന് ഈ അവസ്ഥയിൽ ആക്കിയിരിക്കുന്നത് എന്നും, കുറച്ചു ദിവസങ്ങൾക്ക് മുൻപും സമാന സംഭവം നടന്നതായി പരിസരവാസികൾ പറയുന്നു.
മുളന്തുരുത്തി പഞ്ചായത്തിന്റെ പരിധിയിൽ വരുന്ന ഗ്രൗണ്ട് എല്ലാ കായിക പ്രേമികൾക്കും തുടർന്ന് കായികപരമായ ആവശ്യങ്ങൾക്ക് ഉപയോഗിക്കുവാനും വേണ്ട നടപടി പഞ്ചായത്ത്‌ അധികൃതരുടെ ഭാഗത്തു നിന്നും ഉണ്ടാവണമെന്ന് ആവശ്യപ്പെടുന്ന തോടൊപ്പം ഈ സാമൂഹ്യ വിരുദ്ധരെ നിയമത്തിനു മുൻപിൽ കൊണ്ടു വരണ മെന്നും കളിക്കളം സന്ദർശിച്ച ഡി.വൈ.എഫ്.ഐ മേഖലാ ഭാരവാഹികൾ ആവശ്യപ്പെട്ടു
Complaint of rampant anti-social elements at Perumpilly ground
