---
title: "അമിത വേ​ഗത്തിലെത്തിയ സ്വകാര്യ ബസ് ഇടിച്ച് കോളേജ് വിദ്യാർഥിക്ക് ദാരുണാന്ത്യം"
english_title: "College student dies after being hit by speeding private bus"
publisher: "piravomnews.in"
canonical_url: "https://piravom.truevisionnews.com/news/304765/college-student-dies-after-being-hit-by-speeding-private-bus"
published_at: "2025-07-26T15:35:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6884b05943844_accident.jpg"
keywords: []
---

# അമിത വേ​ഗത്തിലെത്തിയ സ്വകാര്യ ബസ് ഇടിച്ച് കോളേജ് വിദ്യാർഥിക്ക് ദാരുണാന്ത്യം

> **Lead Summary:** കൊച്ചി: അമിത വേ​ഗത്തിലെത്തിയ സ്വകാര്യ ബസ് ഇടിച്ച് കോളേജ് വിദ്യാർഥിക്ക് ദാരുണാന്ത്യം. തേവര എസ്എച്ച് കോളേജിലെ ഒന്നാംവർഷ വിദ്യാർഥി ​ഗോവിന്ദ് ഷേണായി ആണ് മരിച്ചത്.

## Article Content

കൊച്ചി: അമിത വേ​ഗത്തിലെത്തിയ സ്വകാര്യ ബസ് ഇടിച്ച് കോളേജ് വിദ്യാർഥിക്ക് ദാരുണാന്ത്യം. തേവര എസ്എച്ച് കോളേജിലെ ഒന്നാംവർഷ വിദ്യാർഥി ​ഗോവിന്ദ് ഷേണായി ആണ് മരിച്ചത്.

എറണാകുളം- എലൂർ റൂട്ടിൽ സർവീസ് നടത്തുന്ന നന്ദനം എന്ന ബസാണ് ഇടിച്ചത്. ബസ് ഡ്രൈവറെ പൊലീസ് കസ്റ്റഡിയിലെടുത്തു.ശനി രാവിലെ 8.45ഓടെ ടൗൺഹാളിന് എതിർവശത്തായാണ് അപകടം.

മൃദം​ഗ പരിശീലനത്തിനായി പോകുകയായിരുന്നു ​ഗോവിന്ദ്. സ്കൂട്ടറിൽ സഞ്ചരിക്കുകയായിരുന്ന ​ഗോവിന്ദിനെ പുറകെ എത്തിയ ബസ് ഇടിച്ചുതെറിപ്പിക്കുകയായിരുന്നു. റോഡിൽ വീണ ​ഗോവിന്ദിന് തലയ്ക്ക് ​ഗുരുതര പരിക്കേറ്റു. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഓടി രക്ഷപെടാൻ ശ്രമിച്ച ബസ് ഡ്രൈവറെ നോർത്ത് പൊലീസ് പിടികൂടി.

### Related Links & Sources
- [Original Story Source](https://piravom.truevisionnews.com/news/304765/college-student-dies-after-being-hit-by-speeding-private-bus)