---
title: "നേര്യമംഗലം–ഇടുക്കി റോഡിൽ കട്ടവിരിക്കൽ ആരംഭിച്ചു"
english_title: "Road clearing has begun on Neryamangalam-Idukki road."
publisher: "piravomnews.in"
canonical_url: "https://piravom.truevisionnews.com/news/304693/road-clearing-has-begun-on-neryamangalam-idukki-road"
published_at: "2025-07-26T10:37:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/688462f7422d1_karar.jpg"
keywords: []
---

# നേര്യമംഗലം–ഇടുക്കി റോഡിൽ കട്ടവിരിക്കൽ ആരംഭിച്ചു

> **Lead Summary:** കവളങ്ങാട് : നേര്യമംഗലം–ഇടുക്കി റോഡിൽ നേര്യമംഗലം വാരിക്കാട്ട് ക്ഷേത്രത്തിനുസമീപം കട്ടവിരിക്കൽ ആരംഭിച്ചു. ഇതിനായി നേര്യമംഗലത്ത് പ്രവേശനകവാടംമുതൽ മണിയൻപാറവരെ റോഡ് അടച്ചു.

## Article Content

കവളങ്ങാട് : നേര്യമംഗലം–ഇടുക്കി റോഡിൽ നേര്യമംഗലം വാരിക്കാട്ട് ക്ഷേത്രത്തിനുസമീപം കട്ടവിരിക്കൽ ആരംഭിച്ചു. ഇതിനായി നേര്യമംഗലത്ത് പ്രവേശനകവാടംമുതൽ മണിയൻപാറവരെ റോഡ് അടച്ചു.

വാഹനങ്ങൾ നേര്യമംഗലം–-ചെമ്പൻകുഴി റോഡ് വഴിയാണ്‌ ഇടുക്കി റോഡിൽ പ്രവേശിക്കുന്നത്. രണ്ടുമാസം മുമ്പുണ്ടായ മലവെള്ളപ്പാച്ചിലിൽ വാരിക്കാട് ക്ഷേത്രത്തിനുസമീപം കലുങ്ക് തകർന്നിരുന്നു.

റോഡ് അടച്ച് കലുങ്ക് പുനർനിർമിച്ച് അടുത്തിടെ തുറന്നുനൽകിയെങ്കിലും കലുങ്കിനുമുകളിൽ വെള്ളം കെട്ടിനിന്ന് റോഡിൽ കുഴികൾ രൂപപ്പെട്ടത് വാഹനങ്ങൾ അപകടത്തിലാകാൻ കാരണമായി.

ഈ ഭാഗത്താണ് കട്ട വിരിക്കാനുള്ള പ്രവൃത്തി തുടങ്ങിയത്. കലുങ്കിന് അടിയിലൂടെ വെള്ളം സുഗമമായി ഒഴുകാനുള്ള പ്രവൃത്തികളും നടക്കുന്നുണ്ട്. കലുങ്ക് പുനർനിർമിച്ച ഭാഗം ഉറയ്ക്കാത്തതുമൂലമാണ് കട്ടവിരിക്കൽ വൈകിയതെന്ന് പൊതുമരാമത്ത് അധികൃതർ പറഞ്ഞു.

### Related Links & Sources
- [Original Story Source](https://piravom.truevisionnews.com/news/304693/road-clearing-has-begun-on-neryamangalam-idukki-road)