.png)
കൊച്ചി : (piravomnews.in) ഹരിതകേരളം മിഷൻ തദ്ദേശസ്ഥാപനങ്ങളുമായി ചേർന്ന്‌ നടപ്പാക്കുന്ന "ഒരു തൈനടാം' ജനകീയ ക്യാമ്പയിനിന്റെ ഭാഗമായുള്ള പച്ചത്തുരുത്ത് നിർമാണത്തിന്‌ തുടക്കം.
പരിസ്ഥിതിദിനത്തിൽ സിവിൽ സ്റ്റേഷനിൽ വൃക്ഷത്തൈ നട്ട്‌ കലക്ടർ എൻ എസ് കെ ഉമേഷ് പദ്ധതി ഉദ്ഘാടനം ചെയ്തു. ഒരുകോടി വൃക്ഷത്തൈ നടുന്ന ജനകീയ ക്യാമ്പയിനിന്റെ ലോഗോയും കലക്ടർ പ്രകാശിപ്പിച്ചു.തൃക്കാക്കര നഗരസഭാ ചെയർപേഴ്സൺ രാധാമണിപിള്ള അധ്യക്ഷയായി.
സിവിൽ സ്റ്റേഷനിൽ തരിശായിക്കിടന്ന നാല്‌ സെന്റ്‌ വൃത്തിയാക്കി ചാമ്പ, നെല്ലി, സപ്പോട്ട, ഞാവൽ തുടങ്ങിയ ഫലവൃക്ഷത്തൈകളാണ്‌ നട്ടത്‌. ജില്ലാഭരണനേതൃത്വം, ഹരിതകേരളമിഷൻ, തൃക്കാക്കര നഗരസഭ, റോട്ടറി ക്ലബ് എന്നിവയുടെ ആഭിമുഖ്യത്തിലാണ് പച്ചത്തുരുത്തുണ്ടാക്കുന്നത്‌. തൃക്കാക്കര നഗരസഭാ അയ്യൻകാളി തൊഴിലുറപ്പ് പദ്ധതിയിൽ ഉൾപ്പെടുത്തി പച്ചത്തുരുത്തിന്റെ തുടർപരിപാലനം ഉറപ്പാക്കും.
പരിപാടിയിൽ ജില്ലാ പ്ലാനിങ് ഓഫീസർ ജ്യോതിമോൾ, ഹരിതകേരളം മിഷൻ ജില്ലാ കോ–-ഓർഡിനേറ്റർ എസ് രഞ്ജിനി, ശുചിത്വമിഷൻ കോ–-ഓർഡിനേറ്റർ ശീതൾ ജി മോഹൻ, പ്രോഗ്രാം ഓഫീസർ ധന്യ ജോസി, റോട്ടറി ക്ലബ് കൊച്ചി വെസ്റ്റ് സെക്രട്ടറി സുമൻ തുടങ്ങിയവർ സംസാരിച്ചു. ജില്ലയിലെ എല്ലാ തദ്ദേശസ്ഥാപനങ്ങളിലും പച്ചത്തുരുത്ത്, ഓർമമരം, ചങ്ങാതിക്കൊരു മരം ക്യാമ്പയിനുകൾ തുടങ്ങി.
Greenery construction begins as part of the
.jpg)
