ചോറ്റാനിക്കര.... ബാങ്ക് ജീവനക്കാരനെ ബലം പ്രയോഗിച്ചു നഗ്നനാക്കി ഫോട്ടോയെടുത്തു ഭീഷണിപ്പെടുത്തി പണം തട്ടിയ ആഞ്ചഗസംഘം പിടിയിൽ. ആമ്പല്ലൂർ മടപ്പിള്ളിൽ ആദർശ് ചന്ദ്രശേഖരൻ ( 25 ) , മാമല വലിയപറമ്പിൽ ഫ്രാൻസിസ് ( 22 ) , മുളന്തുരുത്തി പെരുമ്പിള്ളി മങ്ങാട്ടുപറമ്പിൽ ലബീബ് ലക്ഷ്മണൻ ( 22 ) , ചോറ്റാനിക്കര അമ്പാടിമല വടക്കേമലയിൽ വിശ്വാസ് ( 42 ) , ഒന്നാം പ്രതി ആദർശിന്റെ ഭാര്യ കാശ്മീര ( 22 ) എന്നിവരെയാണ് അറസ്റ്റ് ചെയ്തത് .
പ്രതികൾ പരാതിക്കാരന്റെ കൈയിൽനിന്ന് 2,05,500 രൂപ തട്ടിയെടുത്തത്. പ്രതികളുടെ കയ്യിൽ നിന്നു 50000 രൂപയും ഒരു പവന്റെ മോതിരവും മൊബൈൽ ഫോണും പിടിച്ചെടുത്തു . കഴിഞ്ഞ 14 നു രാത്രി ഏഴരയോടെയാണ് കേസിനാസ്പദമായ സംഭവം . വീട്ടിൽ അതിക്രമിച്ചു കയറിയ സംഘം ഒറ്റയ്ക്കായിരുന്ന ബാങ്ക് ജീവനക്കാരന്റെ കഴുത്തിൽ കത്തി വച്ച് ബലം പ്രയോഗിച്ചു വസ്ത്രങ്ങൾ മാറ്റി ഇയാളുടെ തന്നെ മൊബൈൽ ഫോണിൽ ചിത്രങ്ങൾ പകർത്തി ഭീഷണിപ്പെടുത്തി . കൈവശമുണ്ടായിരുന്ന 5500 രൂപയും 2ലക്ഷം രൂപയുടെ ചെക്കും എഴുതി വാങ്ങി പിറ്റേന്ന് ബാങ്കിലെത്തി തുക പിൻവലിച്ചു.
മൊബൈൽ കൈവശപ്പെടുത്തിയ സംഘം വീണ്ടും പണം ആവശ്യപ്പെട്ടു ഭീഷണിപ്പെടുത്തിയതോടെയാണു പൊലീ സിൽ പരാതി നൽകിയത് . പരാതിയുടെ അടിസ്ഥാനത്തിൽ എറണാകുളം റൂറൽ എസ്പി കെ . കാർത്തിക് , പുത്തൻകുരിശ് ഡിവൈ എസ്പി ജി . അജയ്നാഥ് , ചോറ്റാനിക്കര ഇൻസ്പെക്ടർ കെ.പി. ജയപ്രസാദ് എന്നിവരുടെ നേതൃത്വത്തിൽ പ്രത്യേക അന്വേഷണ രൂപീകരിച്ചാണു പ്രതികളെ മണിക്കൂറുകൾക്കുള്ളിൽ പിടികൂടിയത് . സംഘത്തിലെ ആദർശ് ഒട്ടേറെ കേസുകളിലെ പ്രതിയാണെന്നു പൊലീസ് പറഞ്ഞു . പ്രതികളെ റിമാൻഡ് ചെയ്തു . എസ്ഐമാരായ കെ . കെ . മോഹനൻ , വി . വിജയകുമാർ , വി.ടി. സുരേഷ് , സീനിയർ സിവിൽ പൊലീസ് ഓഫിസർമാ രായ കെ.എ. യോഹന്നാൻ , വി എ . ഗിരീഷ് , കെ.വി. ദീപു , എസ്.എ. മഞ്ജുശ്രീ , പി . ഷീജ , സിവിൽ പൊലീസ് ഓഫിസർമാരായ വിനു ഏബ്രഹാം , എ.എ. അജ്മൽ , ഇ.ബി. അഭിലാഷ് എന്നിവരും അന്വേഷണ സംഘത്തിലുണ്ടായിരുന്നു .
Police nab gang in Chottanikkara
.jpeg)
.png)
