കൊല്ലം : (piravomnews.in) അതിഥിത്തൊഴിലാളിയായ സുഹൃത്തു വഴി ഓൺലൈൻ വായ്പത്തട്ടിപ്പിന് ഇരയായ യുവാവ് ജീവനൊടുക്കി.
കാരുവേലിൽ പ്ലാക്കാട് മലയിൽ പുത്തൻവീട്ടിൽ സുഭാഷിന്റെയും അംബികയുടെയും മകൻ സുബിൻ എസ്.കുമാറിനെ (36) ആണ് എറണാകുളം നോർത്ത് പറവൂരിലെ താമസസ്ഥലത്തു തൂങ്ങിമരിച്ച നിലയിൽ കണ്ടെത്തിയത്. നോർത്ത് പറവൂരിലെ സ്വകാര്യ ത്രീസ്റ്റാർ ഹോട്ടലിലെ ഷെഫ് ആയിരുന്നു സുബിൻ.
ജോലിക്കിടെ പരിചയപ്പെട്ട അസം സ്വദേശിയായ ഒരു യുവാവ് സുബിന്റെ അടുത്ത സുഹൃത്തായിരുന്നു എന്നു ബന്ധുക്കൾ പറഞ്ഞു. പല സ്ഥലത്തും ഒരുമിച്ചു ജോലി ചെയ്തതോടെ ഇയാൾ സുബിന്റെ വിശ്വസ്തനായി മാറി.
സുബിന്റെ അക്കൗണ്ടിലുള്ള പണം യുവാവ് കൈവശപ്പെടുത്തുകയും ആധാർ കാർഡ് ഉൾപ്പെടെയുള്ള രേഖകൾ കൈക്കലാക്കി സുബിൻ അറിയാതെ ഓൺലൈൻ വായ്പ എടുക്കുകയും ചെയ്തതായി ബന്ധുക്കൾ ആരോപിക്കുന്നു.
A #young #man who was a #victim of #online loan #fraud through a #friend #committed #suicide
