---
title: "  #Fishermen | പോളപ്പായൽ നിറഞ്ഞു ; മത്സ്യത്തൊഴിലാളികൾ 
ദുരിതത്തിൽ "
english_title: "#PaulaPayal is #full; #Fishermen in #distress"
publisher: "piravomnews.in"
canonical_url: "https://piravom.truevisionnews.com/news/241960/paulapayal-is-full-fishermen-in-distress"
published_at: "2024-10-12T05:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6709c0ac99049_paayal.jpg"
keywords: []
---

#   #Fishermen | പോളപ്പായൽ നിറഞ്ഞു ; മത്സ്യത്തൊഴിലാളികൾ 
ദുരിതത്തിൽ 

> **Lead Summary:** തൃപ്പൂണിത്തുറ : വേമ്പനാട്ടുകായലിലും ചമ്പക്കര കനാലിലും പോളപ്പായൽ നിറഞ്ഞതോടെ മത്സ്യത്തൊഴിലാളികൾ ദുരിതത്തിൽ.

## Article Content

തൃപ്പൂണിത്തുറ : വേമ്പനാട്ടുകായലിലും ചമ്പക്കര കനാലിലും പോളപ്പായൽ നിറഞ്ഞതോടെ മത്സ്യത്തൊഴിലാളികൾ ദുരിതത്തിൽ.

ഒഴുക്കുവല, ഊന്നിവല, കക്കവാരൽ തുടങ്ങി എല്ലാ രംഗത്തും തൊഴിലെടുക്കാൻ കഴിയാത്തസ്ഥിതിയാണ്. തണ്ണീർമുക്കം ബണ്ട് തുറക്കുന്നതോടെ വേമ്പനാട്ടുകായലിലേക്ക് ഒഴുകിയെത്തുന്ന പായൽ മഴക്കാലം തുടരുന്നതിനാലാണ് വളർന്നുപടരുന്നത്.

പായൽ വർധിച്ചതോടെ നെട്ടൂർ -തേവര ഫെറി ബോട്ട് സർവീസും നടത്താൻപറ്റാത്ത സ്ഥിതിയായി. വിദ്യാർഥികളുടെയും യാത്രക്കാരുടെയും ദൈനംദിന യാത്രയും ബുദ്ധിമുട്ടിലാണ്‌.

നെട്ടൂർ, കുണ്ടന്നൂർ, എരൂർ, ചമ്പക്കര ഭാഗങ്ങളിലുള്ള മത്സ്യത്തൊഴിലാളികൾക്ക് വള്ളങ്ങൾ കടവിൽനിന്ന് നീക്കാനാകില്ല. ഉദയംപേരൂർ, തെക്കൻപറവൂർ, പനങ്ങാട്, കുമ്പളം തുടങ്ങിയ മേഖലകളിലെ ഉൾനാടൻ മത്സ്യത്തൊഴിലാളികളും പ്രതിസന്ധിയിലാണ്. 

### Related Links & Sources
- [Original Story Source](https://piravom.truevisionnews.com/news/241960/paulapayal-is-full-fishermen-in-distress)