ചേന്ദമംഗലം : (piravomnews.in) വർഷങ്ങളായി മുടങ്ങിക്കിടന്ന കുറുമ്പത്തുരുത്ത്–--ഗോതുരുത്ത് ബോട്ട് സർവീസ് പുനരാരംഭിച്ചു.
ചേന്ദമംഗലം പഞ്ചായത്ത് പ്രസിഡന്റ് ലീന വിശ്വൻ ഉദ്ഘാടനംചെയ്തു. വൈസ് പ്രസിഡന്റ് വി യു ശ്രീജിത് അധ്യക്ഷനായി.
കോവിഡ് വ്യാപനത്തിനുമുമ്പ് മുടങ്ങിയ ബോട്ട് സർവീസ് വീണ്ടും തുടങ്ങാതിരുന്നത് യാത്രക്കാർക്ക് ഏറെ ബുദ്ധിമുട്ട് ഉണ്ടാക്കിയിരുന്നു.
ചേന്ദമംഗലം പഞ്ചായത്ത് മുൻകൈയെടുത്താണ് വീണ്ടും തുടങ്ങിയത്. നടത്തിപ്പിന് മാസം 52,000 രൂപ പഞ്ചായത്തിന് ചെലവുവരും.
വാർഡ് അംഗങ്ങളായ ഷൈബി തോമസ്, ഷിപ്പി സെബാസ്റ്റ്യൻ, ജാൻസി ഫ്രാൻസിസ്, ഫസൽ റഹ്മാൻ, ദിവ്യ ഉണ്ണിക്കൃഷ്ണൻ, ശ്രീദേവി സുരേഷ്, പി ജി വിപിൻ എന്നിവർ സംസാരിച്ചു.
#Kurumbathuruth---#Gothuruth #boat #service #resumed