- കവിത.....(piravomnews)
- നീയെന്റെ മോഹാഗ്നിയിൽനിന്നുയിർകൊണ്ട സ്നേഹാർദ്രവാത്സല്യധാമംനീയെൻ
- പ്രതീക്ഷതന്നാകാശമേടയിൽ ചേലൊത്ത മാരിവിൽച്ചന്തം.
- നീയെൻ മനോനോവു നീറ്റുന്ന പൊള്ളലിൽ ആശ്വാസമേകുന്ന ചൂർണ്ണം.
- നീയെന്നുമെൻ പഥം നേരായ്ത്തെളിക്കുന്ന പൂനിലാപ്പാൽനറുംവെട്ടം.
- നീയെന്റെ കൺകളിൽ കൂടുകൂട്ടീടുന്ന കാർനിറം മാറ്റുംവെളിച്ചം.
- നീയെന്റെ വാഴ്വിൽ പ്രതീക്ഷതൻ നൂലിനാൽ പൂഞ്ചേല നെയ്യുംപതംഗം.
- നീയെന്റെ സ്വപ്നപ്പറമ്പിലായ് പൂക്കുന്ന തുമ്പക്കുടത്തിൻ വിശുദ്ധി.
- നീയെന്ന മാരിയാണെൻ കരൾച്ചൂടിന്നൊ- രാശ്വാസമാകുന്ന തീർത്ഥം.
- നീയെന്റെ ചിന്തയിൽ തേനിറ്റുവീഴ്ത്തുന്നൊ - രെൻ പ്രാണസൗഭാഗ്യസൂനം.
- നീയെന്റെ പൈതലേ! വാഴ്വിൻപഥങ്ങളിൽ ശ്രീയേറുമൂർജ്ജപ്രവാഹം!
- നീയാണെനിക്കൊന്നു വിശ്രമിക്കാൻ തണുപ്പേകുംതണൽതീർത്ത വൃക്ഷം.
- നീയാണു ഞാൻ യാത്രയായതിൻശേഷമീ ഭൂമിയിലെൻ സ്മൃതിക്ഷേത്രം!!
വിനോദ് പെരുവ
Poem; makalkkay
.jpeg)
