കാക്കനാട് : (piravomnews.in) വാഹനത്തിന് സൈഡ് കൊടുക്കാത്തതിന് ചൊല്ലിയുണ്ടായ തർക്കത്തെ തുടർന്ന് ഡ്രൈവറെ കുത്തിപ്പരിക്കേൽപിച്ച കേസിലെ പ്രതിയെ തൃക്കാക്കര പൊലീസ് പിടികൂടി.
വാഴക്കാല സ്വദേശി കുന്നേപ്പറമ്പിൽ വീട്ടിൽ ഷെഫീഖാണ് (32) പിടിയിലായത്. കഴിഞ്ഞ ചൊവ്വാഴ്ചയായിരുന്നു കേസിനാസ്പദമായ സംഭവം.
പ്രതി ഓടിച്ചുവന്ന ഓട്ടോ വരാപ്പുഴ കൊങ്ങോർപ്പിള്ളി സ്വദേശിയായ നേത്രമംഗലത്ത് വീട്ടിൽ ആന്റണി ജേക്കബ് ഓടിച്ച കാറിന് ചെമ്പുമുക്ക് ഭാഗത്തുവെച്ച് സൈഡ് കൊടുക്കാത്തതിനെ ചൊല്ലി തർക്കം നടന്നു. പിന്നീട് വാഴക്കാല ഓട്ടോ സ്റ്റാൻഡിലെത്തിയ ആന്റണി ജേക്കബ് ഇത് വീണ്ടും ചോദ്യം ചെയ്തു.
തുടർന്നുണ്ടായ പ്രകോപനത്തിൽ ഓട്ടോ ഡ്രൈവറായ പ്രതി ഷെഫീഖ് കത്തികൊണ്ട് കുത്തുകയായിരുന്നു. ആക്രമണത്തിൽ ഗുരുതരമായി പരിക്കേറ്റ ആന്റണി ജേക്കബ് എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. പ്രതിയെ കോടതി റിമാൻഡ് ചെയ്തു.
#Trikkakara #police #arrested the #accused in the case of #stabbing the #driver