---
title: "#murder | കോതമംഗലത്തെ വീട്ടമ്മയുടെ കൊലപാതകത്തിൽ ഞെട്ടി നാട്"
english_title: "The #nation was #shocked by the #murder of a #housewife in #Kothamangalam"
publisher: "piravomnews.in"
canonical_url: "https://piravom.truevisionnews.com/news/194360/the-nation-was-shocked-by-the-murder-of-a-housewife-in-kothamangalam"
published_at: "2024-03-25T19:51:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/660188c7a2193_murder.jpg"
keywords: []
---

# #murder | കോതമംഗലത്തെ വീട്ടമ്മയുടെ കൊലപാതകത്തിൽ ഞെട്ടി നാട്

> **Lead Summary:** എറണാകുളം: കോതമംഗലത്തെ വീട്ടമ്മയുടെ കൊലപാതകത്തിൽ ഞെട്ടി നാട് . തലക്ക് അടിച്ച് കൊലപ്പെടുത്തിയതാണെന്നാണ് നിഗമനം.

## Article Content

എറണാകുളം: കോതമംഗലത്തെ വീട്ടമ്മയുടെ കൊലപാതകത്തിൽ ഞെട്ടി നാട് . തലക്ക് അടിച്ച് കൊലപ്പെടുത്തിയതാണെന്നാണ് നിഗമനം.

നഗരസഭയിലെ ആറാം വാര്‍ഡ്, കള്ളാടാണ് സംഭവം നടന്നത്. സാറാമ്മ (72) ആണ് മരിച്ചത്. ഇവര്‍ ധരിച്ചിരുന്ന സ്വർണാഭരണങ്ങൾ നഷ്ടപ്പെട്ടതായി ബന്ധുക്കൾ പറയുന്നു. 

കോതമംഗലം പൊലീസ് സ്ഥലത്തെത്തിയിട്ടുണ്ട്. ഇന്ന് 3.45 ഓടെയാണ് സംഭവം പുറത്തറിഞ്ഞത്. മകൾ ജോലി കഴിഞ്ഞ് വീട്ടിൽ എത്തിയ സമയത്താണ് മാതാവ് കൊല്ലപ്പെട്ടതായി അറിഞ്ഞത്.

ഉടൻ വിവരം പൊലീസിനെ അറിയിച്ചു. മുൻപെങ്ങും ഈ പ്രദേശത്ത് കൊലപാതകം പോലുള്ള കുറ്റകൃത്യം നടന്നിട്ടില്ല.

ഭക്ഷണം കഴിച്ച് ഡൈനിങ് ടേബിളിൽ ഇരുന്ന സാറാമ്മയെ പിന്നിൽ നിന്ന് മാരകായുധം വെച്ച് അടിച്ചുവെന്നാണ് പ്രാഥമിക നിഗമനം. സ്ഥലത്ത് മഞ്ഞപ്പൊടി വിതറിയിട്ടുണ്ട്. സാറാമ്മ ധരിച്ചിരുന്ന നാല് വളകളും സ്വര്‍ണമാലയും നഷ്ടപ്പെട്ടതായാണ് ബന്ധുക്കൾ പറയുന്നത്.

### Related Links & Sources
- [Original Story Source](https://piravom.truevisionnews.com/news/194360/the-nation-was-shocked-by-the-murder-of-a-housewife-in-kothamangalam)