.png)
പിറവം : (piravomnews.in) നാളെ 4നു ഹോളികിങ്സ് പള്ളി മൈതാനത്തു നടക്കുന്ന നവകേരള സദസ്സിനുള്ള ഒരുക്കങ്ങൾ അവസാനഘട്ടത്തിൽ.
പരിപാടിക്കു വേണ്ടി സജ്ജീകരിക്കുന്ന 45,000 ചതുരശ്ര അടി വിസ്തൃതിയുള്ള പന്തലിന്റെ നിർമാണം ഇന്ന് ഉച്ചയോയോടെ പൂർത്തിയാകും. നാളെ 4.30 നാണ് പ്രധാന പരിപാടി. സദസ്സിന്റെ വരവറിയിച്ചു ഫ്ലാഷ്മോബ്, പ്രഭാത നടത്തം തുടങ്ങിയ പരിപാടികളും സംഘടിപ്പിച്ചു.
ക്ഷണിക്കപ്പെട്ട അതിഥികളുമായി മുഖ്യമന്ത്രിയുടെ നേതൃത്വത്തിൽ നടക്കുന്ന കൂടിക്കാഴ്ചയിൽ പിറവം മണ്ഡലത്തിൽ നിന്നു 50 പേർക്കാണു പ്രവേശനം. പരാതികൾ സ്വീകരിക്കുന്നതിനു പ്രധാന വേദിയുടെ സമീപം 20 കൗണ്ടറുകൾ തുറക്കും. ഇവയിൽ 2 വീതം ഭിന്നശേഷി ഉള്ളവർക്കും വനിതകൾക്കുമായി നീക്കി വയ്ക്കും.
#Preparations in final stage; #New #Kerala audience: #piravom #tomorrow at 4.30
_(4).jpeg)
