പാലാരിവട്ടം.... സംസ്ഥാന സർക്കാരിൻ്റെ വിശപ്പുരഹിത പദ്ധതിയുടെ ഭാഗമായി കൊച്ചി കോർപ്പറേഷൻ ആരംഭിച്ച 10 രൂപയ്ക്ക് ഉച്ചയൂണ് നൽകുന്ന സമൃദ്ധി@കൊച്ചി പദ്ധതിയിലേക്ക് കണയന്നൂർ താലൂക്ക് സഹകരണ കാർഷിക ഗ്രാമ വികസന ബാങ്ക് പൊതുനന്മ ഫണ്ടിൽ നിന്നും ഒരു ലക്ഷം രൂപ നൽകി.
പാലാരിവട്ടം ബാങ്ക് ഹെഡ് ഓഫീസ് ഹാളിൽ വച്ച് നടന്ന ചടങ്ങിൽ ബാങ്ക് പ്രസിഡൻറ് സി കെ റെജി അധ്യക്ഷത വഹിച്ചു. ചെക്ക് സ്വീകരിച്ചുകൊണ്ട് ആരാധ്യനായ കൊച്ചി മേയർ അഡ്വക്കേറ്റ് എം അനിൽകുമാർ ചടങ്ങ് ഉദ്ഘാടനം ചെയ്തു. എറണാകുളം ജില്ലാ സഹകരണ സംഘം ജോയിൻറ് രജിസ്ട്രാർ ജനറൽ കെ സജീവ് കർത്ത മുഖ്യാതിഥിയായി പങ്കെടുത്തു.
ആശംസകൾ നേർന്നു ഡിവിഷൻ കൗൺസിലർ ശ്രീ ജോർജ്ജ് നാനാട്ട്, കണയന്നൂർ താലൂക്ക് അസിസ്റ്റൻ്റ് രജിസ്ട്രാർ ജനറൽ കെ ശ്രീലേഖ, സംസ്ഥാന സഹകരണ കാർഷിക ഗ്രാമവികസന ബാങ്ക് എറണാകുളം റീജിയണൽ മാനേജർ ശ്രീദേവി എസ് തെക്കിനേഴത്ത്, ബാങ്ക് വാലുവേഷൻ ഓഫീസർ രാജേഷ് എസ്, ബാങ്ക് അസിസ്റ്റൻറ് സെക്രട്ടറി സന്ധ്യ ആർ മേനോൻ, ബ്രാഞ്ച് മാനേജർ സിജു പി എസ് എന്നിവർ സംസാരിച്ചു. ബാങ്ക് വൈസ് പ്രസിഡണ്ട് എൻ എൻ സോമരാജൻ സ്വാഗതവും, ബാങ്ക് സെക്രട്ടറി ഷേർലി കുര്യാക്കോസ് കൃതജ്ഞതയും പറഞ്ഞു
Kanayannur Agricultural Rural Development Bank has provided Rs. 1 lakh to Samrudhi Kochi Lunch Project