വയനാട് (piravonews.com).... മാനന്തവാടിയിൽ ആദിവാസി യുവാവിനെ വാഹനത്തിൽ വലിച്ചിഴച്ചു. കൂടൽകടവ് ചെമ്മാട് നഗറിലെ മാതനെയാണ് റോഡിലൂടെ അരകിലോമീറ്ററോളം വലിച്ചിഴച്ചതെന്ന് ദൃക്‌സാക്ഷികൾ പറയുന്നു. ഇന്നലെ വെെകിട്ട് 5.30 ഓടെയാണ് സംഭവം.വയനാട്ടിൽ കുറ്റിപ്പുറം സ്വദേശി പി മുഹമ്മദ് റിയാസിന്റെ പേരിൽ രജിസ്റ്റർ ചെയ്ത കാർ ഉപയോഗിച്ച് 5 അംഗ sസംഘം മാത്തൻ എന്ന ആദിവാസി യുവാവിനെ കാറിൽ അര കിലോമീറ്റർ വലിച്ചിഴച്ച് മൃഗീയമായി കൊല ചെയ്യാൻ ശ്രമിച്ചു വെന്നാണ് പറയുന്നത് മാത്തൻ ഗുരുതര പരുക്കുകളോടെ aആശുപത്രിയിൽ തുടരുന്നു.
മാനന്തവാടി പുൽപള്ളി റോഡിലാണ് സംഭവം. KL 52 H 8733 എന്ന കാറിലാണ് സംഘമെത്തിയത്. ഇവരെ പിടികൂടാനായില്ല. സംഭവത്തിൽ അരയ്ക്കും കൈകാലുകൾക്കും സാരമായി പരിക്കേറ്റ മാതനെ മാനന്തവാടി മെഡിക്കൽ കോളേജിൽ പ്രവേശിപ്പിച്ചു. കൂടൽ കടവ് ചെക്ക് ഡാം കാണാൻ എത്തിയ വിനോദ സഞ്ചാരികളുമായുണ്ടായ വാക്ക് തർക്കമാണ് മാതനെ റോഡിലൂടെ വലിച്ചിഴക്കാൻ കാരണമെന്നാണ് ദൃക്‌സാക്ഷികൾ പറയുന്നത്.രണ്ട് കാറുകളിൽ എത്തിയ വിനോദ സഞ്ചാരികളാണ് വലിച്ചിഴച്ചതെന്നും നാട്ടുകാർ പറയുന്നു.
A tribal youth was dragged in a car in Mananthavadi
