കൂത്താട്ടുകുളം: സ്കൂട്ടറിൽ കാർ ഇടിച്ചുണ്ടായ അപകടത്തിൽ സ്‌കൂട്ടർ യാത്രികന് ഗുരുതര പരിക്ക്. ബുധനാഴ്ച രാവിലെ 11.30 ഓടെ ഉണ്ടായ അപകടത്തിൽ കൂത്താട്ടുകുളത്തെ സ്വകാര്യ മെഡിക്കൽ സ്റ്റോർ ജീവനക്കാരനായ ഇടയാർ സ്വദേശി ബാബു(52)നാണ് പരിക്കേറ്റത്. കടപ്പുറം ബൈപ്പാസിൽ നിന്നും എംസി റോഡ് മുറിച്ചുകിടക്കുകയായിരുന്ന ബാബുവിന്റെ സ്കൂട്ടറിൽ മൂവാറ്റുപുഴ ഭാഗത്ത് നിന്നെത്തിയ കാർ ഇടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടറിൽ നിന്നും റോഡിലേക്ക് തെറിച്ച് വീണ ബാബുവിന് ഗുരുതരമായി പരിക്കേറ്റു. ബോധരഹിതനായ റോഡിൽ കിടന്ന ബാബുവിനെ സമീപത്തെ വ്യാപാരികളും നാട്ടുകാരും ചേർന്ന് കൂത്താട്ടുകുളത്തെയും പിന്നീട് വിദഗ്ധ ചികിത്സയ്ക്കായി കോട്ടയത്തെയും സ്വകാര്യ ആശുപത്രിയിൽ പ്രവേശിപ്പിച്ചു.
Scooter passenger seriously injured in car collision with scooter.
