ആലുവ : (piravomnews.in) പിറന്നാൾ കേക്കിലൂടെ ചെറുകുടലിൽ എത്തിയ ലോഹപദാർഥം സുരക്ഷിതമായി നീക്കി രാജഗിരി ആശുപത്രിയിലെ ഡോക്ടർമാർ.
ഒന്നാംപിറന്നാൾ ആഘോഷത്തിനിടെയാണ് കാർട്ടൂൺ കഥാപാത്രത്തിന്റെ മാതൃകയിൽ ഒരുക്കിയ കേക്കിൽ അലങ്കരിച്ചിരുന്ന വസ്തുവിലെ ലോഹപദാർഥം കുട്ടി അബദ്ധത്തിൽ വിഴുങ്ങിയത്. വായിൽ ലോഹപദാർഥം കണ്ട ഉടനെ എടുക്കാൻ അമ്മ ശ്രമിച്ചെങ്കിലും കിട്ടിയില്ല.
ഉടനെ പ്രാഥമികശുശ്രൂഷ നൽകിയശേഷം പറവൂർ താലൂക്കാശുപത്രിയിൽ എത്തി. എക്സ്‌റേയിൽ ആമാശയത്തിൽ പദാർഥം കണ്ടെത്തി. വിദ്ഗധ ചികിത്സയ്ക്കായി ആലുവ രാജഗിരിയിൽ എത്തിച്ചു. ലോഹപദാർഥം ആമാശയം കടന്ന് ചെറുകുടലിൽ എത്തിയിരുന്നു.
കുട്ടികൾക്കുള്ള പ്രത്യേക എൻഡോസ്കോപ്‌ ഉപയോഗിച്ച്‌ ഡിയോഡെനോസ്കോപ്പി വഴി ചെറുകുടലിൽനിന്ന് ഇത്‌ നീക്കംചെയ്യുകയായിരുന്നു. ലോക്കൽ അനസ്തേഷ്യ നൽകിയാണ്‌ എൻഡോസ്കോപ്പി പൂർത്തിയാക്കിയത്.
ഉദരരോഗവിദഗ്ധൻ ഡോ. ഫിലിപ്പ് അഗസ്റ്റിൻ, ഡോ. നിബിൻ നഹാസ്, ഡോ. സാനു സാജൻ, ഡോ. രാധികാനായർ എന്നിവർ ചികിത്സയിൽ പങ്കാളികളായി.
കേക്കുകളിൽ അലങ്കാരങ്ങൾക്കായി ചെയ്യുന്ന വസ്തുക്കൾ അപകടം ഉണ്ടാക്കാൻ സാധ്യതയുള്ളതിനാൽ രക്ഷിതാക്കൾ ശ്രദ്ധിക്കണമെന്ന് ഡോക്ടർമാർ പറഞ്ഞു.
The #swallowed #metal #material was taken out #along with the #cake
.jpg)
