കോലഞ്ചേരി : (piravomnews.in) വടവുകോട്–-പുത്തൻകുരിശ് പഞ്ചായത്തിൽ മഴക്കാലപൂർവ ശുചീകരണത്തിന്റെ ഭാഗമായി 32 ടൺ മാലിന്യം നീക്കി.
ഇ–-വേസ്റ്റ്, തുണി, ചെരുപ്പ് തുടങ്ങി പുനരുപയോഗസാധ്യമല്ലാത്ത മാലിന്യങ്ങൾ ശേഖരിച്ച് ശുചിത്വ മിഷൻ എംപാനൽ ഏജൻസിയായ ബെ മാക്സ് വേസ്റ്റ് മാനേജ്മെന്റ് സൊല്യൂഷന് കൈമാറി.
16 വാർഡുകളിൽ 34 ശേഖരണ കേന്ദ്രങ്ങൾവഴി ജനകീയ ക്യാമ്പയിനിലൂടെയാണ് മാലിന്യം ശേഖരിച്ചത്.
പ്രസിഡന്റ് സോണിയ മുരുകേശൻ, വൈസ് പ്രസിഡന്റ് കെ കെ അശോക് കുമാർ, ടി എസ് നവാസ്, എൽസി പൗലോസ്, ശ്രീരേഖ അജിത്, പി എസ് സ്മിത, എ എ സുരേഷ് എന്നിവർ നേതൃത്വം നൽകി.
32 #tons of #garbage was #removed