---
title: " #flight | വിമാനയാത്രയ്ക്കിടെ സഹയാത്രികയുടെ ജീവന്‍ രക്ഷിച്ച നഴ്സിന് അഭിനന്ദന പ്രവാ​ഹം"
english_title: "#Congratulations to the nurse who #saved the #life of the #fellow #passenger #during the #flight"
publisher: "piravomnews.in"
canonical_url: "https://piravom.truevisionnews.com/news/196173/congratulations-to-the-nurse-who-saved-the-life-of-the-fellow-passenger-during-the-flight"
published_at: "2024-04-02T09:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/660b85d095339_flight.jpg"
keywords: []
---

#  #flight | വിമാനയാത്രയ്ക്കിടെ സഹയാത്രികയുടെ ജീവന്‍ രക്ഷിച്ച നഴ്സിന് അഭിനന്ദന പ്രവാ​ഹം

> **Lead Summary:** കോതമംഗലം : വിമാനയാത്രയ്ക്കിടെ സഹയാത്രികയുടെ ജീവന്‍ രക്ഷിച്ച നഴ്സിന് അഭിനന്ദന പ്രവാ​ഹം.

## Article Content

കോതമംഗലം : വിമാനയാത്രയ്ക്കിടെ സഹയാത്രികയുടെ ജീവന്‍ രക്ഷിച്ച നഴ്സിന് അഭിനന്ദന പ്രവാ​ഹം.

കോതമംഗലം എളുമ്പ്ര കുമ്മംകുഴി തടത്തിൽ അശ്വതിയാണ് കൊല്‍ക്കത്തക്കാരി സാ​ന്റയ്ക്ക് (73) തുണയായത്. ഭര്‍ത്താവ് രതീഷിനും കുടുംബത്തിനുമൊപ്പം ആന്‍ഡമാനില്‍ പോയി, ശനി പകല്‍ വിസ്താര യുകെ 778 വിമാനത്തില്‍ തിരികെ യാത്രയിലായിരുന്നു അശ്വതി.

വിമാനം കൊല്‍ക്കത്തയിലെത്തുംമുമ്പ്‌ ക്യാബിന്‍ ക്രൂവി​ന്റെ അടിയന്തരസന്ദേശമെത്തി. യാത്രക്കാരിൽ ഡോക്ടർമാരോ മെഡിക്കൽ രംഗത്ത് പ്രവർത്തിക്കുന്നവരോ ഉണ്ടെങ്കിൽ ബന്ധപ്പെടണമെന്നും തളർന്നുവീണ സ്ത്രീക്ക് അടിയന്തരസഹായം വേണമെന്നുമായിരുന്നു അറിയിപ്പ്.

തുടര്‍ന്ന് അശ്വതി രോ​ഗിക്കടുത്തെത്തി ശുശ്രൂഷ നല്‍കി. 12 വർഷമായി ഡൽഹി എയിംസിലെ കാർഡിയോവാസ്കുലാർ ആൻഡ് തൊറാസിക് സർജറി ഐസിയു വിഭാഗത്തിൽ നഴ്സിങ് ഓഫീസറാണ് അശ്വതി.

കൈകാലുകള്‍ മരവിച്ച് പള്‍സ് കുറഞ്ഞ നിലയിലായിരുന്നു സാ​ന്റ. അശ്വതി, ക്യാബിന്‍ ക്രൂവി​ന്റെ സഹായത്തോടെ രോ​ഗിയെ സീറ്റില്‍ കിടത്തി ഓക്സിജന്‍ നല്‍കി.

വിമാനത്തിലെ പ്രഥമശുശ്രൂഷാ കിറ്റില്‍നിന്ന്‌ മരുന്ന് നല്‍കി പള്‍സ് സാധാരണ നിലയിലാക്കി. തുടര്‍ന്ന് വിമാനം കൊല്‍ക്കത്തയില്‍ അടിയന്തരമായി ഇറക്കി, രോ​ഗിയെ ആശുപത്രിയിലേക്ക് മാറ്റി.

### Related Links & Sources
- [Original Story Source](https://piravom.truevisionnews.com/news/196173/congratulations-to-the-nurse-who-saved-the-life-of-the-fellow-passenger-during-the-flight)