പിറവം : (piravomnews.in) മലതുരന്ന് മണ്ണ് കടത്തുന്നതിനെതിരെ പാമ്പാക്കുട ചെട്ടിക്കണ്ടത്ത് സർവകക്ഷി ആക്ഷൻ കൗണ്സിലിന്റെ നേതൃത്വത്തിൽ ടിപ്പർ തടഞ്ഞ് പ്രതിഷേധിച്ചു.
ദേശീയ പാതയ്ക്കെന്നപേരിൽ കഴിഞ്ഞ മൂന്ന് മാസമായി ചെട്ടികണ്ടം മംഗലത്ത് മലയിലാണ് ഏക്കറുകണക്കിന് പ്രദേശം തുരന്ന് മണ്ണ് കടത്തുന്നത്. ലോറി തടഞ്ഞ സ്ത്രീകൾ ഉൾപ്പെടെയുള്ളവരെ അറസ്റ്റ് ചെയ്ത് നീക്കാന് പൊലീസ് ശ്രമിച്ചത് തർക്കത്തിന് ഇടയാക്കി.
വനിതാ പൊലീസില്ലാതെ അറസ്റ്റിന് വഴങ്ങില്ലെന്ന് പഞ്ചായത്ത് ഭരണസമിതി അംഗങ്ങൾ ഉൾപ്പെടെയുള്ള സ്ത്രീകൾ നിലപാടെടുത്തു. തുടർന്ന് വനിതാ പൊലീസെത്തിയശേഷം മുഴുവൻപേരെയും അറസ്റ്റ് ചെയ്ത് സ്റ്റേഷനിലേക്ക് കൊണ്ടുപോയി.
പഞ്ചായത്ത് പ്രസിഡന്റ് തോമസ് തടത്തിൽ, ജില്ലാപഞ്ചായത്ത് അംഗം ആശ സനിൽ, കൺവീനർ എം എൻ കേശവൻ, എബി എൻ ഏലിയാസ്, ബെന്നി സ്കറിയ, ബേസിൽ സണ്ണി തുടങ്ങിയവര് സമരത്തിൽ പങ്കെടുത്ത് അറസ്റ്റുവരിച്ചു. വെള്ളിയാഴ്ചയും സമരം തുടരുമെന്ന് ഭാരവാഹികൾ അറിയിച്ചു.
A #tipper was #stopped at #Pampakuda and #protested against the #digging of #soil