കോലഞ്ചേരി : (piravomnews.in) ചൂണ്ടി– രാമമംഗലം റോഡിൽ മാസങ്ങളായി ഉയരുന്ന പൊടിക്ക് ശമനമില്ല.
പൈപ്പ് ഇടലും മൂടലും മെറ്റൽ വിരിക്കലുമായി ഒരു വർഷത്തോളം യാത്രക്കാർക്ക് ദുരിതം വിതച്ച റോഡ് നന്നാക്കുന്നതിൽ കാണിക്കുന്ന മെല്ലെപ്പോക്ക് പ്രദേശവാസികളെ രോഗികളാക്കി മാറ്റുന്നു.
രാമമംഗലം കുടുംബനാട് പമ്പ് ഹൗസിൽ നിന്ന് ജലം ചൂണ്ടി ജല ശുദ്ധീകരണ ശാലയിൽ എത്തിച്ച് വിവിധ പഞ്ചായത്തുകളിലും തൃപ്പൂണിത്തുറ മുനിസിപ്പാലിറ്റിയിലും വിതരണം ചെയ്യുന്ന പദ്ധതിയുടെ പൈപ്പ് ലൈൻ ആണ് ഈ റോഡിനെ പ്രതിസന്ധിയിലാക്കിയത്.
40 വർഷം മുൻപ് ആരംഭിച്ച പദ്ധതിയുടെ പൈപ്പ് കാലപ്പഴക്കത്തെ തുടർന്ന് 2013ൽ മാറ്റുന്ന ഘട്ടത്തിൽ റോഡ് ഒഴിവാക്കി പാടം വഴി കൊണ്ടു പോകണമെന്ന് നാട്ടുകാർ ആവശ്യപ്പെട്ടിരുന്നു. വളരെ വേഗം പണികൾ പൂർത്തീകരിക്കാമെന്നു വാഗ്ദാനം നൽകി അധികൃതർ അന്നു റോഡിലൂടെ തന്നെ പൈപ്പ് സ്ഥാപിച്ചു.
അധികൃതർ വാഗ്ദാനം ചെയ്ത സമയ ക്രമം അന്നു തെറ്റുകയും ഒന്നര വർഷത്തോളം റോഡ് കുത്തിപ്പൊളിച്ച് ഇടുകയും ചെയ്ത ശേഷമാണ് നന്നാക്കിയത്.
There is no #relief from the #dust that has been #rising on #Choondi- #Ramamangalam #road for #months