മുണ്ടക്കയം: സേവാഭാരതി പ്രവർത്തകർ തകർന്ന കൊടുങ്ങ പാലത്തിന് പകരം അഞ്ചടി വീതിയിൽ പന്ത്രണ്ട് മീറ്റർ നീളത്തിൽ പുതിയ പാലം താൽക്കാലികമായി നിർമ്മിച്ചു. വെമ്പിളി, പ്ലാപ്പള്ളി, കുപ്പിപ്ലാഞ്ചോട്, മുക്കളം, ഇളംകാട്, കൊക്കയാർ പ്രദേശങ്ങളില്‍ ഒറ്റപ്പെട്ട് പോയവർക്ക് പ്രയോജനം കിട്ടും.
മരം മുറിക്കുന്നതിനും മറ്റും ആധുനിക യന്ത്രങ്ങൾ ഉണ്ടായിരുന്നുവെങ്കിലും, പല സ്ഥലങ്ങളിലും അവ എത്തിക്കാൻ ബുദ്ധിമുട്ടായിരുന്നു. എങ്കിലും പ്രതിബന്ധങ്ങൾ മറികടന്ന്‌ അവർ കവുങ്ങ് കൊണ്ട് പാലം നിർമ്മിക്കുവായിരുന്നു. തകർന്ന കൊടുങ്ങ പാലത്തിന് പകരം ആറ്റുതീരത്ത് സമാന്തരപാത മായാണ് പുതിയ പാലം.
കൂടാതെ വെമ്പിളിയിൽ ദേവീക്ഷേത്രവും എസ്എന്‍ഡിപി ഹാളും ശുചീകരിച്ചു. ചളിയും മണ്ണും നിറഞ്ഞ് മലിനമായിപ്പോയ നൂറോളം കിണറുകളും ശുചീകരിച്ചു. ചപ്പാത്ത് പുഴയൊഴുക്കിനെ തടഞ്ഞുനിന്ന കൂറ്റന്‍ മരങ്ങൾ വെട്ടിമാറ്റി. കൂട്ടിക്കൽ ടൗണിൽ കുമിഞ്ഞുകൂടിയ മാലിന്യങ്ങള്‍ നീക്കം ചെയ്തു. നടപ്പാതകളും ഏന്തയാർ റോഡും സഞ്ചാരയോഗ്യമാക്കിയാണ് അവർ മടങ്ങിയത്
Seva Bharati workers temporarily rebuilt the Kodunga bridge at Kokkayar, 5 feet wide and 12 meters long.
