.png)
" target="_blank">
പെരുവ :മുളക്കുളം ഗ്രാമപഞ്ചായത്തിന്റെ ലൈഫ്പദ്ധതിയുടെ താക്കോൽദാന ഉദ്ഘാടനവേദിയിൽ വച്ചാണ്, നിരോധിത പ്ലാസ്റ്റിക് ഉപയോഗിച്ച് പൊതിഞ്ഞ പൂച്ചെണ്ടു നൽകി പഞ്ചായത്ത് തന്നെ അപമാനിച്ചു വെന്ന് മന്ത്രിയുടെ പ്രതികരണം. പൂച്ചെണ്ടു മന്ത്രി സ്വീകരിച്ചില്ല തുടർന്ന് ബൊക്കയിൽ നിന്ന് പ്ലാസ്റ്റിക് നീക്കം ചെയ്തു പ്ലാസ്റ്റിക് സ്റ്റേജിൽ ഉപേക്ഷിച്ചതും മന്ത്രിയെ ചൊടിപ്പിച്ചു.സർക്കാർ ചടങ്ങുകളിൽ പ്ലാസ്റ്റിക് പൊതിഞ്ഞ പൂച്ചെണ്ടുകൾ ഉപയോഗിക്കരുത് നിർദ്ദേശം ഉണ്ടെങ്കിലും ഈ നിർദ്ദേശം നടപ്പാക്കേണ്ട മന്ത്രിക്ക് തന്നെ നിരോധിത പ്ലാസ്റ്റിക് ഉപയോഗിച്ച് പൊതിഞ്ഞ പൂച്ചെണ്ട് പഞ്ചായത്ത് നൽകിയത് തന്നെ അപമാനിക്കുന്നതാണെന്നും, ഇതിലും വലിയ അപമാനം ഇല്ലെന്നും പഞ്ചായത്തിന് പതിനായിരം രൂപ പിഴ ഈടാക്കേണ്ടതാണെന്നും,മന്ത്രി പറഞ്ഞു...... ഗുരുവായൂരും വയനാടും പോയി മാലിന്യമുക്തം എങ്ങനെ നടപ്പാക്കാം എന്ന് പോയി കണ്ടു പഠിക്കാനും മന്ത്രി ഉപദേശം നൽകി... കടുത്തുരുത്തി എംഎൽഎ അഡ്വക്കറ്റ് മോൻസ് ജോസഫ് എംഎൽഎ അധ്യക്ഷത വഹിച്ച യോഗത്തിൽ, മുളക്കുളം ഗ്രാമപഞ്ചായത്ത് പ്രസിഡണ്ട് ടി കെ വാസുദേവൻ നായർ സ്വാഗതം പറഞ്ഞു. ജില്ലാ പഞ്ചായത്ത് പ്രസിഡണ്ട് കെ വി ബിന്ദു മുഖ്യപ്രഭാഷണവും, ബ്ലോക്ക് പ്രസിഡണ്ട് പി വി സുനിൽ, വൈസ് പ്രസിഡണ്ട് നയന ബിജു, മുളക്കുളം ഗ്രാമപഞ്ചായത്ത് മെമ്പർമാർ, വിവിധ രാഷ്ട്രീയ പാർട്ടി കക്ഷി നേതാക്കൾ വ്യാപാരി സംഘടന നേതാക്കൾ റസിഡൻസ് അസോസിയേഷൻ ഭാരവാഹികൾ സിഡിഎസ് ഭാരവാഹികൾ, പഞ്ചായത്ത് സെക്രട്ടറി ചന്ദ്രിക കെ വി എന്നിവർ ആശംസകൾ അർപ്പിച്ച് സംസാരിച്ചു.......
A bouquet wrapped in banned plastic was given at the opening ceremony; Minister Rajesh said this is to insult him.
