" target="_blank">
എറണാകുളം ജില്ലയിലെ പാർപ്പാകോട് എൽപി സ്കൂളിൽ ശിശുദിനാഘോഷ പരിപാടികൾ സി എഫ് സി ഐ സി ഐ ബാങ്ക് ഡയറക്ടർ മനോജ് പി തോമസ് ഉദ്ഘാടനം ചെയ്തു . കുട്ടികളുടെ പ്രധാനമന്ത്രിയായി തിരഞ്ഞെടുക്കപ്പെട്ട ആദിത്യൻ സുനിൽ അധ്യക്ഷത വഹിച്ച യോഗത്തിൽ ഹെഡ്മിസ്ട്രസ് ശ്രീമതി എ കെ കുഞ്ഞുമോൾ ടീച്ചർ സ്വാഗതം ആശംസിച്ചു . ബാങ്ക് പ്രതിനിധി അയിഷ മാധവ് , എക്സിക്യൂട്ടീവ് മെമ്പർ ഷൈലജ റോബിൻസൺ എന്നിവർ ശിശുദിനാശംസകൾ നേർന്നു . തുടർന്ന് കുട്ടികൾക്ക് ചിത്രരചന മത്സരം നടത്തുകയും സമ്മാനങ്ങൾ നൽകുകയും ചെയ്തു . കുട്ടികളുടെ ശിശുദിന പ്രസംഗം , ശിശുദിന ഗാനം , സ്കിറ്റ് എന്നിവയും പരിപാടിയുടെ ഭാഗമായി നടന്നു . ഓരോ ക്ലാസിൽ നിന്നും തിരഞ്ഞെടുക്കപ്പെട്ട കുട്ടികളുടെ പ്രധാനമന്ത്രിമാർ ശിശുദിന സന്ദേശം നൽകി . ചാച്ചാജിയുടെ സംഭാവനകൾ , ലക്ഷ്യങ്ങൾ എന്നിവ കുട്ടികൾക്ക് മനസ്സിലാക്കുവാനും അദ്ദേഹത്തെക്കുറിച്ച് കൂടുതൽ അറിയാനും പഠിക്കാനും നെഹ്റുവിനെ കുറിച്ചുള്ള ചർച്ചകൾക്കും ഈ ആഘോഷ പരിപാടികൾ ഏറെ സഹായകമായി . സ്റ്റാഫ് സെക്രട്ടറി ശ്രീമതി വി ആർ അമ്പിളി ടീച്ചർ നന്ദി പ്രകടിപ്പിച്ചു .
CFCCI Bank Director Manoj P Thomas inaugurated the Children's Day celebrations at Parpad LP School in Ernakulam district.
