പിറവത്ത് കണ്ടത്തിൽ ജ്വല്ലറിയിൽ നിന്നും മോതിരം അടിച്ചുമാറ്റിയ യുവതി പിടിയിൽ

പിറവം..... പിറവത്ത് കണ്ടത്തിൽ ജ്വല്ലറിയിൽ നിന്നും മോതിരം അടിച്ചുമാറ്റിയ യുവതി പിടിയിൽ.ചേർത്തല പോലീസാണ് പ്രതിയെ പിടിക്കൂടിയത്

ചേർത്തലയിലെ ജ്വല്ലറിയിൽ നിന്നും മോതിരം അടിച്ചുമാറ്റി കടന്നുകളഞ്ഞ യുവതി പിന്നീട് പിറവത്തും സമാന രീതിയിൽ മോഷണം നടത്തുകയായിരുന്നു - എറണാകുളം പച്ചാളം പീപ്പിൾസ് റോഡ് ഗോപിക (21) യാണ് അറസ്റ്റിലായത്. കഴിഞ്ഞ മാസം 15ന് ചേർത്തലയിലെ വി ജോൺ എന്ന ജ്വല്ലറിയിൽ നിന്നും മൂന്നു​ഗ്രാം തൂക്കമുള്ള മോതിരം മോഷ്ടിച്ചെന്ന പരാതിയിലാണ് യുവതിയെ ചേർത്തല പൊലീസ് അറസ്റ്റ് ചെയ്തത്.

Also read: വെളിയങ്കോടിന്റെ ആകാശനക്ഷത്രത്തിന് ആദരവോടെ സ്വീകരണം

കഴിഞ്ഞ 15 ന് ഒറ്റക്കെത്തിയ ഗോപിക ഉടമ ജിതേജ് ഫോൺ ചെയ്യുന്ന സമയത്താണ് മൂന്ന് ഗ്രാം തൂക്കമുള്ള മോതിരവുമായി കടന്നു കളഞ്ഞത്. ഗോപിക മോതിരം തിരയുന്നതിനിടെ വിരലിൽ സ്വർണമോതിരം ഇടുകയും മറ്റൊരു വിരലിൽ കിടന്ന ഡ്യൂപ്ലിക്കേറ്റ് മോതിരം പകരം നൽകിയുമാണ് കടന്നത്.

പിറ്റേ ദിവസമാണ് കബളിപ്പിക്കപ്പെട്ടെന്ന് ഉടമ കണ്ടെത്തിയത്. തുടർന്ന് പൊലീസിൽ പരാതി നൽകി. കടയ്ക്കുള്ളിലെ സിസിടിവി കേന്ദ്രീകരിച്ചു പൊലീസ് നടത്തിയ അന്വേഷണത്തിലാണ് പ്രതിയെ പിടികൂടിയത്. ചേർത്തല പൊലീസ് സ്റ്റേഷൻ ഇൻസ്പെക്ടർ ജി അരുൺ, എസ്ഐ കെ പി അനിൽകുമാർ, എഎസ്ഐ ബീന, സീനിയർ സിവിൽ പൊലീസ് ഓഫീസർമാരായ സതീഷ്, സുധീഷ് എന്നിവർ അന്വഷണ സംഘത്തിലുണ്ടായിരുന്നു.

A young woman who stole a ring from a jeweler in Piravom was arrested