കവിത; ലയനം

കവിത....(piravomnews) ലയനം. 

Also read: #snakebite | കോഴിക്കൂട്ടിൽ നിന്ന് മുട്ട എടുക്കുന്നതിനിടെ പാമ്പുകടിയേറ്റ് വീട്ടമ്മ മരിച്ചു

• ആശ്ചര്യംകണ്ടുണരുന്ന രാവുകൾ എങ്ങോ പോയ്‌മറഞ്ഞു.
• ഓർമ്മയ്ക്കു ചിറകുവച്ചിരുന്നെങ്കിൽ
• പോയ്‌മറഞ്ഞനാളുകൾ
• സുന്ദരസ്വപ്നത്തിൽ സൂനംവിടർത്തിയേനേ!
• സങ്കല്പമകലേയ്ക്കുപോകുമ്പോളും
• മറവിയുടെ മാറാപ്പണിഞ്ഞ മൗനങ്ങൾ എന്തോ തിരയുന്നുണ്ടായിരുന്നു.
• മോഹങ്ങൾ കൊഴിഞ്ഞപ്പോഴും
• ഉറക്കം കെട്ടപ്പോഴും എന്തോ തിരയുന്ന കണ്ണുകൾ പീളകെട്ടി,
• കുഴിയുന്നുണ്ടായിരുന്നു.
• റോസാപ്പൂവിന്റെ നൈർമ്മല്യംതുളുമ്പുന്ന വദനഭംഗി,
• വിണ്ടുകീറിയ മണൽത്തിട്ടപോൽ വികൃതഭാവംപൂണ്ടിരുന്നു.
• ആരെയോ നോക്കിയിരിക്കുമ്പോളെത്താത്ത
• നെടുവീർപ്പുകൾ താളംപിടിച്ചിരുന്നു.
• കാലനാംകാമുകൻ വന്നെതിരേറ്റു,
• മഞ്ചത്തിൽ കിടത്തി ഭൂമീദേവിക്കുസമർപ്പിച്ചപ്പോൾ
• കണ്ണുനീർ വാർക്കുന്ന കുറേക്കണ്ണുകൾ
• എന്നെ വലംവയ്ക്കുന്നു.
• എല്ലാ കണ്ണുകളും വെട്ടിച്ചു ഞാനാഴങ്ങളിലേക്ക്‌ ഊളിയിട്ടു.
• ഇനി ഞാനില്ല, രാവില്ല, ഇരുട്ടില്ല, ജനനമില്ല, മരണമില്ല!
• അഗ്നി ക്രൂരതകാട്ടി ചാമ്പലാക്കുന്ന
• പ്രക്രിയയിൽ ലയിച്ചൂ വിഷപങ്കിലജീവിതവിരാമം.
• രചന -ലീലാവതി.
  

kavitha-- layanam