#piravom | ജില്ലയിൽ ഇനി അഞ്ചുനാൾ കലോത്സവനാളുകൾ;കലോത്സവ വേദികളിൽ ഇന്ന്‌

പിറവം : (piravomnews.in) ജില്ലയിൽ ഇനി അഞ്ചുനാൾ കലോത്സവനാളുകൾ. റവന്യു ജില്ലാ സ്‌കൂൾ കലോത്സവത്തിന് തിങ്കളാഴ്ച പിറവത്ത് തിരിതെളിയും. 14 ഉപജില്ലകളിൽനിന്നായി എണ്ണായിരത്തോളം കലാപ്രതിഭകൾ മാറ്റുരയ്‌ക്കും.

Also read: #death | തേന്‍ എടുക്കുന്നതിനിടെ മരത്തില്‍നിന്ന് വീണ് യുവാവ് മരിച്ചു

15 വേദികളിലായി 305 ഇനങ്ങളിലാണ് മത്സരം. രജിസ്‌ട്രേഷൻ ഞായർ പകൽ രണ്ടോടെ ആരംഭിച്ചു. കലോത്സവത്തിന്റെ ഉദ്‌ഘാടനം ചൊവ്വ രാവിലെ 9.30ന് വ്യവസായമന്ത്രി പി രാജീവ്‌ നിർവഹിക്കും. അനൂപ് ജേക്കബ് എംഎൽഎ അധ്യക്ഷനാകും.

എംകെഎം എച്ച്‌എസ്‌എസിലെയും സെന്റ് ജോസഫ്‌സ് ഹൈസ്കൂളിലെയും വേദികളിലായി നാടൻപാട്ട്‌, മിമിക്രി, മോണോ ആക്ട്‌ മത്സരങ്ങളും രചനാമത്സരങ്ങളും നടക്കും. അറബിക്‌ സാഹിത്യോത്സവവും സംസ്‌കൃതോത്സവവും തിങ്കളാഴ്‌ച തുടങ്ങും. വെള്ളിയാഴ്‌ചയാണ്‌ സമാപനം.

Also read: #death | പെരുമ്പാവൂരിൽ പള്ളിയിൽ ബാൻഡ് മേളത്തിന് എത്തിയ യുവാവ് കുഴഞ്ഞുവീണ് മരിച്ചു

കലോത്സവ വേദികളിൽ ഇന്ന്‌.

വേദി ആറ് –- പിറവം എംകെ എം സ്കൂൾ ഹാൾ ഒന്നാംനില: നാടൻപാട്ട് (എച്ച്എസ്എസ്, എച്ച്എസ്) –- രാവിലെ ഒമ്പതുമുതൽ. വേദി - ഏഴ് –- എംകെ എം സ്കൂൾ ഓഡിറ്റോറിയം: മോണോ ആക്ട് (എച്ച്എസ്, യുപി, എച്ച്‌എസ്‌എസ്‌ ക്രമത്തിൽ) –- രാവിലെ ഒമ്പതുമുതൽ.

Also read: #death | കിണറ്റില്‍ വീണ ആടിനെ രക്ഷപ്പെടുത്താനിറങ്ങിയ യുവാവിന് ദാരുണാന്ത്യം

മിമിക്രി (എച്ച്എസ്, എച്ച്‌എസ്‌എസ്‌ ക്രമത്തിൽ)–- പകൽ രണ്ടുമുതൽ. വേദി - 11 –- പിറവം സെന്റ്‌ ജോസഫ് എൽപി സ്കൂൾ ഹാൾ: തമിഴ് പദ്യം (യുപി)–- പകൽ 11ന്‌. തമിഴ് പ്രസംഗം (യുപി)–- പകൽ 12ന്‌. തമിഴ് പദ്യം (എച്ച് എസ്, എച്ച്എസ്എസ്)–- പകൽ 1.30 മുതൽ.

തമിഴ് പ്രസംഗം (എച്ച്എസ്, എച്ച്എസ്എസ്) – പകൽ- 2.30 മുതൽ. വേദി - 12 –- പിറവം സെന്റ്‌ ജോസഫ് എച്ച്എസ് ഹാൾ: കന്നഡ പദ്യം (യുപി) –- രാവിലെ 10ന്‌. കന്നഡ പ്രസംഗം (യുപി) –- പകൽ 11ന്‌. കന്നഡ പദ്യം (എച്ച്എസ്) പകൽ 12ന്. എച്ച്‌എസ്‌എസ്‌ –- പകൽ 1.30ന്‌. കന്നഡ പ്രസംഗം (എച്ച്എസ്, എച്ച്എസ്എസ് ക്രമത്തിൽ) –-പകൽ 2.30 മുതൽ.

Five more days of #arts #festivals in the #district; #today at the #venues of arts #festivals