.png)
കാഞ്ഞിരമറ്റം : (piravomnews.in) മഹാകവി കുമാരനാശാൻ ചരമ ശതാബ്ദി ആചരിക്കുന്ന ഘട്ടത്തിൽ പുരോഗമന കലാ സാഹിത്യ സംഘം ആമ്പല്ലൂർ യൂണിറ്റ് മഹാകവി കുമാരനാശാൻ അനുസ്മരണം സംഘടിപ്പിച്ചു.
ആശാൻ കൃതികളെ പുതുതലമുറയ്ക്ക് പരിചയപ്പെടുത്തിയും നവോത്ഥാന കാലഘട്ടത്തിലെ കവിതകൾ സംബന്ധിച്ച് വിശദീകരിച്ചും തൃപ്പൂണിത്തുറ പാലസ് ഹൈസ്കൂൾ പ്രധാനാധ്യാപകൻ പി.ടി. സുഭാഷ് ഉദ്ഘാടനം ചെയ്തു. കാഞ്ഞിരമറ്റം പാലകുന്നുമല തായിമറ്റത്തിൽ അശോകൻ്റെ വസതിയിൽ വച്ച് നടന്ന പരിപാടിയിൽ യൂണിറ്റ് പ്രസിഡൻ്റ് കെ.എ മുകുന്ദൻ അദ്ധ്യക്ഷനായി .
കേരള യൂണിവേഴ്സിറ്റിയിൽ നിന്നും എം എസ് സി ന്യൂട്രീഷ്ണൽ സയൻസിൽ ഒന്നാം റാങ്ക് നേടിയ കുമാരി സോന യോഹന്നാനെ അനുമോദിച്ചു. കേരള സ്റ്റേറ്റ് സർവീസ് പെൻഷനേഴ്സ് യൂണിയൻ സംസ്ഥാന കൗൺസിൽ അംഗം ബാലകൃഷ്ണൻ, , ബ്ലോക്ക് പ്രസിഡന്റ് വി.ജെ. വർഗ്ഗീസ്, അഡ്വ. റെജി മാത്യു, മാതൃക റെസിഡൻസ് അസോസിയേഷൻ ഭാരവാഹി റെനിൽ കുമാർ , സോന യോഹന്നാൻ എന്നിവർ സംസാരിച്ചു.
യൂണിറ്റ് സെക്രട്ടറി സുനിൽ കെ.എം സ്വാഗതവും പി ജി വായനക്കൂട്ടം കൺവീനർ എ.ഡി. യമുന നന്ദിയും പറഞ്ഞു ( ചിത്രം പുരോഗമന കലാ സാഹിത്യ സംഘം ആമ്പല്ലൂർ യൂണിറ്റ് സംഘടിപ്പിച്ച മഹാകവി കുമാരനാശാൻ അനുസ്മരണം തൃപ്പൂണിത്തുറ പാലസ് ഹൈസ്കൂൾ പ്രധാനാധ്യാപകൻ പി.ടി. സുഭാഷ് ഉദ്ഘാടനം ചെയ്യുന്നു.)
#Progressive #kala #Sahitya #Sangam #Amballur unit #organized #Mahakavi #Kumaranasan #memorial #service
