---
title: "പാമ്പാടിയിലെ ജ്വല്ലറിയില്‍ മോഷണം നടത്തിയ കേസില്‍ ബിജെപി നേതാവ് അറസ്റ്റില്‍"
english_title: "BJP leader arrested in case of theft at jewelery shop in Pampadi"
publisher: "piravomnews.in"
canonical_url: "https://piravom.truevisionnews.com/news/85414/bjp-leader-arrested-in-case-of-theft-at-jewelery-shop-in-pampadi"
published_at: "2022-12-15T16:43:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/639b01826408f_nda.jpg"
keywords: []
---

# പാമ്പാടിയിലെ ജ്വല്ലറിയില്‍ മോഷണം നടത്തിയ കേസില്‍ ബിജെപി നേതാവ് അറസ്റ്റില്‍

> **Lead Summary:** **കോട്ടയം....** പാമ്പാടിയിലെ ജ്വല്ലറിയില്‍ മോഷണം നടത്തിയ കേസില്‍ ബിജെപി നേതാവ് അറസ്റ്റില്‍. കൂട്ടിക്കല്‍ ടോപ്പ് സ്വദേശി അജീഷിനെയാണ് പാമ്പാടി പൊലീസ് അറസ്റ്റ് ചെയ്തത്. കഴിഞ്ഞ ത്രിതല പഞ്ചായത്ത് തെരഞ്ഞെടുപ്പില്‍ ബിജെപി സ്ഥാനാര്‍ത്ഥിയായി മത്സരിച്ച വ്യക്തിയാണ് അജീഷ്. കൂട്ടിക്കല്‍ പഞ്ചായത്തിലെ ഇളംകാട് ടോപ്പ് ഏഴാം വാര്‍ഡിലെ സ്ഥാനാര്‍ത്ഥിയായിരുന്നു. അജീഷിനെ വീട്ടില്‍ നിന്ന് അറസ്റ്റ് ചെയ്യുമ്പോള്‍ പൊലീസ് വാഹനം ബിജെപി പ്രവര്‍ത്തകര്‍ തടയുകയും ചെയ്തിരുന്നു.

## Article Content

**കോട്ടയം....** പാമ്പാടിയിലെ ജ്വല്ലറിയില്‍ മോഷണം നടത്തിയ കേസില്‍ ബിജെപി നേതാവ് അറസ്റ്റില്‍. കൂട്ടിക്കല്‍ ടോപ്പ് സ്വദേശി അജീഷിനെയാണ് പാമ്പാടി പൊലീസ് അറസ്റ്റ് ചെയ്തത്. കഴിഞ്ഞ ത്രിതല പഞ്ചായത്ത് തെരഞ്ഞെടുപ്പില്‍ ബിജെപി സ്ഥാനാര്‍ത്ഥിയായി മത്സരിച്ച വ്യക്തിയാണ് അജീഷ്. കൂട്ടിക്കല്‍ പഞ്ചായത്തിലെ ഇളംകാട് ടോപ്പ് ഏഴാം വാര്‍ഡിലെ സ്ഥാനാര്‍ത്ഥിയായിരുന്നു. അജീഷിനെ വീട്ടില്‍ നിന്ന് അറസ്റ്റ് ചെയ്യുമ്പോള്‍ പൊലീസ് വാഹനം ബിജെപി പ്രവര്‍ത്തകര്‍ തടയുകയും ചെയ്തിരുന്നു.

പാമ്പാടി ആശുപത്രി പടിക്കലിലെ കയ്യാലപ്പറമ്പില്‍ ജ്വല്ലറിയിലായിരുന്നു മോഷണം. കടയില്‍ എത്തിയ ശേഷം മാല വാങ്ങാനാണ്, കാണണമെന്ന് അജീഷ് കടയുടമയോട് ആവശ്യപ്പെട്ടു. രണ്ടു മാലകള്‍ നോക്കുന്നതിനിടെ ഉടമ കടയുടെ ഉള്ളിലേക്ക് പോയി. ഈ സമയത്ത് നാലു പവന്റെ രണ്ടു മാലകളുമായി അജീഷ് പുറത്തിറങ്ങി സ്‌കൂട്ടറില്‍ കടന്നു കളയുകയായിരുന്നു. മോഷണം പോയെന്ന് അറിഞ്ഞതോടെ ജയകുമാര്‍ വിവരം പൊലീസില്‍ അറിയിച്ചു. സിസി ടിവി ദൃശ്യങ്ങളുടെ അടിസ്ഥാനത്തില്‍ നടത്തിയ അന്വേഷണത്തിലാണ് അജീഷിനെ പിടികൂടിയത്

### Related Links & Sources
- [Original Story Source](https://piravom.truevisionnews.com/news/85414/bjp-leader-arrested-in-case-of-theft-at-jewelery-shop-in-pampadi)