പിറവം.... ശബരിമല മേൽ ശാന്തിമാർക്ക് പിറവത്ത് സ്വീകരണം. ശബരിമല, മാളികപ്പുറം മേൽ ശാന്തിമാർക്ക് പിറവം പള്ളിക്കാവ് ഭഗവതി ക്ഷേത്രത്തിൽ സ്വീകരണം നൽകി.
മേൽശാന്തിമാരായ കെ. ജയരാമൻ നമ്പൂതിരി, ഹരിഹരൻ നമ്പൂതിരി എന്നിവരെ ക്ഷേത്രം ഭരണസമതിയുടെ നേതൃത്വത്തിൽ ക്ഷേത്രം ഗോപുരത്തിങ്കൽ മേൽശാന്തി പുല്യാട്ട് രാമൻ ഭട്ടതിരി പൂർണകുംഭം നൽകി സ്വീകരിച്ചു. തുടർന്ന് നടന്ന സ്വീകരണയോഗം യോഗക്ഷേമസഭ ചോറ്റാനിക്കര ഉപസഭ പ്രസിഡന്റ് പടുതോൾ മന ഗോദൻ നമ്പൂതിരി ഉദ്ഘാടനം ചെയ്തു. കരയോഗം പ്രസിഡന്റ് കെ.കെ.രാമചന്ദ്രൻ അധ്യക്ഷനായി. വിവിധ ഹൈന്ദവ സംഘടന ഭാരവാഹികളായ വി.എസ് സോമശേഖരൻ, എം.എൻ.അപ്പുക്കുട്ടൻ, രവീന്ദ്രൻ, ലതാ ശങ്കർ, ഇ.ജി രാമചന്ദ്രൻ, ദേവസ്വം ട്രഷറർ വി.കെ ശങ്കരൻ നായർ നഗരസഭ കൗൺസിലർ രമ വിജയൻ എന്നിവർ സംസാരിച്ചു. മേൽശാന്തിമാരായ ജയരാമൻ നമ്പൂതിരി, ഹരിഹരൻ നമ്പൂതിരി എന്നിവർ മറുപടി പ്രസംഗം നടത്തി
sabarimala mel santhies reception on piravom