മുളന്തുരുത്തി : കേരള കർഷക സംഘം മുളന്തുരുത്തി വില്ലേജ് കമ്മറ്റിയുടെ നേതൃത്വത്തിൽ ചാലിത്താഴം പാടശേഖരത്തിൽ 3 ഏക്കറിൽ നെൽകൃഷി ആരംഭിച്ചു. കർഷക സംഘം ജില്ലാ ജോയിന്റ് സെക്രട്ടറി സി.കെ റെജി വിത്ത് വിതച്ച് ഉദ്ഘാടനം നിർവ്വഹിച്ചു. സി.പി.ഐ (എം) മുളന്തുരുത്തി ലോക്കൽ സെക്രട്ടറി പി.ഡി.രമേശൻ , കർഷക സംഘം വില്ലേജ് സെക്രട്ടറി കെ.എ ജോഷി പാടശേഖരസമിതി സെക്രട്ടറി എം.വി രാമകൃഷ്ണൻ , ഗ്രാമ പഞ്ചായത്ത് മെമ്പർ മഞ്ജു അനിൽകുമാർ , നേതാക്കളായ എം.എൻ കിഷോർ, എം.എം അനിൽ, സാബു പേക്കൽ എന്നിവർ പങ്കെടുത്തു. കർഷക സംഘം വില്ലേജ് കമ്മറ്റിയംഗം ടി.വി വാവയുടെ നേതൃത്വത്തിലാണ് ഇവിടെ നെൽകൃഷി ചെയ്യുന്നത്.
A group of farmers planted crops in Chalithazham Padasekaram