പിറവം... രാജീവ് ഗാന്ധി കൾച്ചറൽ ഫോറത്തിന്റെ നേതൃത്വത്തിൽ കോൺഗ്രസ് പിറവം മണ്ഡലം കമ്മറ്റിയുമായി സഹകരിച്ച് കാരുണ്യം കരങ്ങളിലേക്ക് - എന്ന പരിപാടി സംഘടിപ്പിച്ചു. പിറവം നഗരസഭയിൽ തെരഞ്ഞെടുക്കപ്പെട്ട രോഗികൾക്ക് ഭക്ഷ്യധാന്യ കിറ്റുകൾ വിതരണം ചെയ്തു. ഇതിനൊപ്പം വവിധ മേഖലകളിൽ പ്രാഗത്ഭ്യം തെളിയിച്ചവരേയും, കർഷകരേയും, മികച്ച വിജയം കരസ്ഥമാക്കിയ വിദ്യാർഥികളേയും ആദരിച്ചു.
പരിപാടിയുടെ ഉദ്ഘാടനം ബെന്നി ബഹനാൻ എംപി നിർവഹിച്ചു. "11വർഷം ആയി കാരുണ്യ പ്രവർത്തന രംഗത്ത് അമ്മയോടൊപ്പം പോലെ മാതൃകാ പരമായ പ്രവർത്തനം നടത്തുന്ന സംഘടന ആണ് പിറവം രാജീവ് ഗാന്ധി കൾച്ചറൽ ഫോറം" എന്ന് ബെന്നി ബഹനാൻ പറഞ്ഞു. രാജീവ് കൾച്ചറൽ ഫോറം ചെയർമാൻ സാബു കെ. ജേക്കബ് അധ്യക്ഷത വഹിച്ചു. വീക്ഷണം എംഡി ജയ്സൺ ജോസഫ്, ഡി സി സി സെക്രട്ടറി അഡ്വ. റീസ് പുത്തൻവീട്ടിൽ, മുളന്തുരുത്തി ബ്ലോക്ക് കോൺഗ്രസ് പ്രസിഡന്റ് വേണു മുളന്തുരുത്തി, ഒ ഐ സി സി അയർലന്റ് പ്രസിഡന്റ് ലിങ്ക്വിൻ സ്റ്റാർ, മുളക്കുളം സഹകരണ ബാങ്ക് പ്രസിഡന്റ് അഡ്വ. സഖറിയ വർഗീസ്, റോട്ടറി ക്ലബ്ബ് കോർഡിനേറ്റർ ഡോ. എ.സി. പീറ്റർ, യൂത്ത് കോൺഗ്രസ് നിയോജക മണ്ഡലം പ്രസിഡന്റ് ജോമോൻ ജോയി, പ്രസ് ക്ലബ്ബ് പ്രസിഡന്റ് എം.ടി. പൗലോസ്, നഗരസഭ കൗൺസിലർമാരായ ജിൻസി രാജ്യ, രമാ വിജയൻ എന്നിവർ പ്രസംഗിച്ചു. കോൺഗ്രസ് മണ്ഡലം പ്രസിഡന്റ് ഷാജു ഇലഞ്ഞിമറ്റം സ്വാഗതവും, ഫോറം ജനറൽ സെക്രട്ടറി തമ്പി പുതുവാക്കുന്നേൽ നന്ദിയും പറഞ്ഞു. വിവിധ മേഖലകളിൽ നിന്നുമുള്ള ലാൽ പ്രിയൻ, റോഷൻ റെജി, തങ്കി ഇടയത്തു പാറയിൽ, ജാസ്മി കുര്യൻ, രഞ്ചിത് ബേബി, ബാതൽ പുരുഷോത്തമൻ, ബെന്നി പുരവത്ത്, കെ.ജി. രാമൻകുട്ടി എന്നിവരെയാണ് ആദരിച്ചത്.
To the hands of mercy; Rajiv Gandhi Forum distributed foodgrain kits