പിറവം..... പിറവത്ത് റെസ്റ്റോറന്റിൽ ആക്രമണം നടന്നതായി പരാതി.പിറവത്ത് ഫാത്തിമമാതാ സെൻട്രൽ സ്കൂളിന് മുൻവശത്ത് പ്രവർത്തിക്കുന്ന ചിക്ക് വിങ്‌സ് എന്ന ഫുഡ് കോർട്ടിലെ ജീവനക്കാർക്ക് ആണ് മർദ്ദനം ഏറ്റത്. ജീവനക്കാരായ എബിൻ രാജ്, ബിബിൻ രാജ്, സജിനോ ജോയി എന്നിവരെ ആശുപത്രിയിൽ പ്രവേശിപ്പിച്ചു.
ഇന്നലെ (ചൊവ്വാഴ്ച) രാത്രി 10 മണിയോടെയാണ് സംഭവം. കൂത്താട്ടുകുളം, ഇടയാർ സ്വദേശികളായ മൂന്ന് പേരാണ് ആക്രമണം നടത്തിയതെന്ന് ഹോട്ടലുടമ പറഞ്ഞു. പിസ ഓർഡർ ചെയ്തപ്പോൾ തന്നെ അരമണിക്കൂർ താമസം ഉണ്ടാകും എന്ന് ജീവനക്കാർ അറിയിച്ചിരുന്നു എന്നാൽ പത്ത് മിനിറ്റ് കഴിഞ്ഞപ്പോൾ പിസ റേഡിയായില്ലേ എന്ന് ചോദിക്കുകയും ദേഷ്യപ്പെടുകയും ചെയ്തതായി കടയുടമ പറഞ്ഞു. ഓവനിൽ ആണ് ഉടനെ റെഡിയാകും എന്ന് അറിയിച്ചെങ്കിലും മദ്യപിച്ചിരുന്ന മൂന്നംഗ സംഘം അസഭ്യം പറയുകയായിരുന്നു. കസ്റ്റമേഴ്‌സ് ഉണ്ട് അസഭ്യം പറയരുത് എന്ന് പറഞ്ഞ കടയിലെ ജീവനക്കാരിൽ ഒരാളെ അക്രമിസംഘം ചവിട്ടി വീഴ്ത്തുകയും ചെയ്തു. തുടർന്ന് റോഡിൽ നിന്നും കല്ലെടുത്ത് മറ്റ് രണ്ട് ജീവനക്കാരുടെ തലയ്ക്ക് ഇടിച്ച് പരുക്കേല്പിക്കുകയും ചെയ്തതായി ഷോപ്പ് ഉടമ പറഞ്ഞു. ഉടൻ തന്നെ അക്രമി സംഘം സമീപത്ത് പാർക്ക് ചെയ്തിരുന്ന കാറിൽ കയറി രക്ഷപ്പെടുകയും ചെയ്തു. സംഭവത്തിൽ പിറവം പോലീസ് അന്വേഷണം ആരംഭിച്ചു
The restaurant staff were attacked for allegedly delaying the meal
