മുളന്തുരുത്തി.... ആരക്കുന്നം സെന്റ് ജോര്ജസിൽ നിറവ് പദ്ധതി; പ്രൈമറി സ്കൂൾ ,എൽ പി സ്കൂൾ ,ഹൈസ്കൂൾ വിദ്യാർത്ഥികൾക്ക് ഉച്ച ഭക്ഷണ പരിപാടി. ആരക്കുന്നം സെന്റ് ജോർജ് യാക്കോബായ സുറിയാനി വലിയ പള്ളി വിദ്യാഭ്യാസ ഏജൻസിയുടെ കീഴിൽ പ്രവർത്തിക്കുന്ന പ്രീ-പ്രൈമറി സ്കൂൾ ,എൽ പി സ്കൂൾ ,ഹൈസ്കൂൾ എന്നീ സ്ഥാപനങ്ങളിലെ മുഴുവൻ വിദ്യാർത്ഥികൾക്കും,അധ്യാപകർക്കും നടപ്പിലാക്കി വരുന്ന നിറവ് ഉച്ച ഭക്ഷണ പരിപാടി ആരക്കുന്നം ആപ്റ്റീവ് കണക്ഷൻസ് സിസ്റ്റംസ് ഇന്ത്യ പ്രൈവറ്റ് ലിമിറ്റഡ് എച് ആർ ജനറൽ മാനേജർ പി. ആർ മനോജ് കുമാർ സ്കൂൾ ലീഡർ ഹൃദ്യ സന്തോഷിനു ഭക്ഷണം വിളമ്പി നൽകി ഉത്ഘാടനം നിർവഹിച്ചു.
സ്കൂൾ മാനേജർ സി കെ റെജി അധ്യക്ഷത വഹിച്ചു. ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ്,എല് പി സ്കൂൾ ഹെഡ്മിസ്ട്രസ് ജെസി വർഗീസ്, പ്രീ പ്രൈമറി സ്കൂൾ ഹെഡ്മിസ്ട്രസ് എം സി മായ ,അധ്യാപകരായ ജീവ മോൾ വർഗീസ്,സ്മിത ജോണി,ബിന്ദു പി ആർ,എൽ പി സ്കൂൾ പി ടി എ പ്രസിഡന്റ് ജിജോ വെട്ടിക്കൽ,പള്ളി ട്രസ്റ്റിമാരായ ഷാജൻ കെ പൗലോസ്,ബിജു വർഗീസ്,സ്കൂൾ ബോർഡ് മെമ്പർ ബോബി പോൾ എന്നിവർ സംസാരിച്ചു.വിദ്യാർത്ഥികൾക്ക് പോഷക ആഹാരങ്ങൾ സ്പോൺസർമാരുടെ സഹായത്തോടെ നിറവ് ഉച്ച ഭക്ഷണ പരിപാടിയുടെ ഭാഗമായി നൽകി വരുന്നു.ജൂൺ മാസത്തിൽ മീൻ കറിയും ജൂലൈ മാസത്തിൽ ചിക്കനും,ആഗസ്ത് മാസത്തിൽ ബിരിയാണിയും വിദ്യാർത്ഥികൾക്ക് നൽകുകയുണ്ടായി.എട്ടാം സ്റ്റാൻഡേർഡ് വരെയുള്ള വിദ്യാർത്ഥികൾക്ക് ആണ് പൊതു വിദ്യാഭ്യാസ വകുപ്പ് ഉച്ചഭക്ഷണത്തിനു ഫണ്ട് അനുവദിക്കുന്നത്.എന്നാൽ ആരക്കുന്നം സെന്റ് ജോർജ് സ്കൂളിൽ 9,10 സ്റ്റാൻഡേർഡിൽ അടക്കം മുഴുവൻ വിദ്യാർത്ഥികൾക്കും നിറവ് ഉച്ച ഭക്ഷണ പരിപാടിയുടെ ഭാഗമായി ഭക്ഷണം നൽകി വരുന്നു.എയ്ഡഡ് സ്കൂളുകളിലെ വിദ്യാർത്ഥികൾക്ക് നൽകി വന്നിരുന്ന പ്രഭാത ഭക്ഷണ പരിപാടി പുനരാരംഭിക്കാൻ മുളന്തുരുത്തി ഗ്രാമ പഞ്ചായത്ത് തയ്യാറാകണമെന്ന് സ്കൂൾ മാനേജർ സി കെ റെജി ആവശ്യപ്പെട്ടു.
Arakunnam St. George's Nirav project; Lunch program for primary school, LP school and high school students