നൈറ്റ് പട്രോളിങ്ങിനിടെ ബാറ്ററി മോഷ്ടാക്കൾ കൂത്താട്ടുകുളം പോലീസ് പിടിയിൽ. മൂവാറ്റുപുഴ നിർമ്മല കോളേജ് ഭാഗത്ത് വ്യാദേലിൽ വീട്ടിൽ മാർട്ടിൻ (46), പേഴക്കാപ്പാളി പുന്നോപ്പടി തെക്കേകുന്നേൽ വീട്ടിൽ അജാസ് (42) എന്നിവരെയാണ് പിടികൂടിയത്. പട്രോളിംഗിൽ മുത്തോലപുരം പള്ളിക്ക് സമീപം വച്ച് ഗുഡ്സ് ഓട്ടോറിക്ഷ തടഞ്ഞ് പരിശോധന നടത്തുമ്പോഴാണ് മോഷ്ടാക്കൾ ബാറ്ററിയുമായ് പിടിയിലാകുന്നത്. ഇൻസ്പെക്ടർ കെ.ആർ.മോഹൻദാസ്, എസ്.ഐ ഷിബു വർഗീസ്, എ.എസ്.ഐ പ്രവീൺ കുമാർ, സി.പി.ഒ എ.പി.ബിനു എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
Battery thieves nabbed in Koothatkulam