തൃപ്പൂണിത്തുറ..... ഹൈസ്ക്കൂൾ - ഹയർ സെക്കൻഡറി ലയന നീക്കം ഉപേക്ഷിക്കുക, ഖാദർ കമ്മറ്റി റിപ്പോർട്ട് തള്ളിക്കളയുക, ഹയർ സെക്കൻഡറി മേഖലയോടുള്ള അവഗണന അവസാനിപ്പിക്കുക, അഭിപ്രായ സ്വാതന്ത്ര്യത്തിന് കൂച്ച് വിലങ്ങിടാനുള്ള ശ്രമം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ച് ഫെഡറേഷൻ ഓഫ് ഹയർ സെക്കൻഡറി ടീച്ചേഴ്സ് അസോസിയേഷന്റെ (FHSTA) നേതൃത്വത്തിൽ ഹയർ സെക്കൻഡറി ജാഗ്രതാ സംഗമം സംഘടിപ്പിച്ചു.
മൂല്യ നിർണ്ണയത്തിലെ ഉത്തര കടലാസുകളുടെ എണ്ണം വർദ്ധിപ്പിച്ച നടപടി, കെമിസ്ട്രി ഉത്തര സൂചികയുമായി ബന്ധപ്പെട്ട തെറ്റ് ചൂണ്ടിക്കാണിച്ച അദ്ധ്യാപകരെ ശിക്ഷിക്കാനുള്ള നീക്കം എന്നീ അധ്യാപക വിദ്യാർത്ഥി വിരുദ്ധ നിലപാടുകളിൽ എഫ്. എച്ച്.എസ്.ടി.എ. പ്രതിഷേധം രേഖപ്പെടുത്തി.അധ്യാപകരുടെ ആവശ്യം അംഗീകരിച്ച് പുതിയ കെമിസ്ട്രി ഉത്തര സൂചിക തയ്യാറാക്കിയതിനെ എഫ് എച്ച്.എസ് ടി.എ. സ്വാഗതം ചെയ്തു.
ത്യപ്പൂണിത്തുറ ഗവ. ഹയർ സെക്കൻഡറി സ്കൂളിനു മുന്നിൽ നടന്ന പ്രതിഷേധ കൂട്ടായ്മ എയ്ഡഡ് ഹയർ സെക്കൻഡറി ടീച്ചേഴ്സ് അസോസിയേഷൻ സംസ്ഥാന സെക്രട്ടറി ടി. എൻ. വിനോദ് ഉദ്ഘാടനം ചെയ്തു . ജില്ലാ സെക്രട്ടറി ബിനു. കെ. വർഗീസ് അധ്യക്ഷത വഹിച്ചു. ഡോ. അനുകുമാർ , ഷാജി വർഗീസ്, എൽദോ ജോൺ, സുരേഷ്കുമാർ എസ് എന്നിവർ സംസാരിച്ചു.
Awareness day meeting was held at Higher Secondary Assessment Camps