---
title: "മൂന്നുവയസ്സുകാരന്റെ മരണം കൊലപാതകം ;രണ്ടാനച്ഛൻ അറസ്റ്റിൽ"
english_title: "Perumbavoor 3 Year Old Death Murder Stepfather Arrested"
publisher: "piravomnews.in"
canonical_url: "https://piravom.truevisionnews.com/news/390574/3-year-old-death-murder-stepfather-arrested"
published_at: "2026-11-07T08:41:00+05:30"
category: "Ernakulam "
language: "ml"
image: "https://cf.zdn.im/img/truevisionnews.com/0/image-uploads/6aee97401002b_1000814968.jpg"
keywords: ["Ernakulam crime", "migrant worker child death", "child murder", "Kerala police"]
---

# മൂന്നുവയസ്സുകാരന്റെ മരണം കൊലപാതകം ;രണ്ടാനച്ഛൻ അറസ്റ്റിൽ

> **Lead Summary:** പെരുമ്പാവൂർ: പെരുമ്പാവൂരിൽ അതിഥിത്തൊഴിലാളി കുടുംബത്തിലെ മൂന്നുവയസ്സുകാരന്റെ മരണം കൊലപാതകമെന്ന് സ്ഥിരീകരിച്ചതായി പൊലീസ് പറഞ്ഞു. സംഭവത്തിൽ രണ്ടാനച്ഛനെ പൊലീസ് അറസ്റ്റ് ചെയ്തു. അസം ബോർബില സ്വദേശി മൊഹേശ്വർ ചുഡിയ യെയാണ് പെരുമ്പാവൂർ പൊലീസ് അറസ്റ്റ് ചെയ്തത്. ചേലാമറ്റം വല്ലം ഭാഗത്താണ് ഇയാൾ കുടുംബസമേതം താമസിക്കുന്നതെന്ന് പൊലീസ് പറയുന്നു.

## Article Content

പെരുമ്പാവൂർ: പെരുമ്പാവൂരിൽ അതിഥിത്തൊഴിലാളി കുടുംബത്തിലെ മൂന്നുവയസ്സുകാരന്റെ മരണം കൊലപാതകമെന്ന് സ്ഥിരീകരിച്ചതായി പൊലീസ് പറഞ്ഞു. സംഭവത്തിൽ രണ്ടാനച്ഛനെ പൊലീസ് അറസ്റ്റ് ചെയ്തു. അസം ബോർബില സ്വദേശി മൊഹേശ്വർ ചുഡിയ യെയാണ് പെരുമ്പാവൂർ പൊലീസ് അറസ്റ്റ് ചെയ്തത്. ചേലാമറ്റം വല്ലം ഭാഗത്താണ് ഇയാൾ കുടുംബസമേതം താമസിക്കുന്നതെന്ന് പൊലീസ് പറയുന്നു.

കുട്ടി ഒന്നാം നിലയിൽനിന്ന് വീണു എന്നാണ് ഇയാൾ ആശുപത്രിയിൽ പറഞ്ഞതെന്നാണ് പൊലീസ് പറയുന്നത്. എന്നാൽ കുട്ടിയുടെ ശരീരത്തിൽ മർദനമേറ്റ പാടുകൾ ഉണ്ടായിരുന്നുവെന്ന് പൊലീസ് പറഞ്ഞു. ഈ സംശയത്തെത്തുടർന്ന് നടത്തിയ തുടരന്വേഷണത്തിലാണ് കൊലപാതകം തെളിഞ്ഞതെന്ന് പൊലീസ് പറയുന്നു.

കുട്ടിയെ മർദിക്കുകയും തല ഭിത്തിയിൽ ഇടിപ്പിക്കുകയുമായിരുന്നുവെന്നാണ് പൊലീസിന്റെ കണ്ടെത്തൽ. ആദ്യം കുട്ടിയെ ആശുപത്രിയിൽ എത്തിക്കാൻ ഇയാൾ സമ്മതിച്ചില്ലെന്നും പൊലീസ് പറയുന്നു. പിന്നീട് ആശുപത്രിയിലെത്തിച്ചപ്പോഴേക്കും കുട്ടിയുടെ നില ഗുരുതരമായിരുന്നുവെന്നും പൊലീസ് പറഞ്ഞു.

ജില്ലാ പൊലീസ് മേധാവി കെ എസ് സുദർശന്റെ മേൽനോട്ടത്തിലുള്ള അന്വേഷകസംഘമാണ് കേസ് അന്വേഷിച്ചത്. സംഘത്തിൽ പെരുമ്പാവൂർ ഡിവൈഎസ്പി എൻ ബാബുക്കുട്ടൻ, ഇൻസ്പെക്ടർ ജി പി മനുരാജ്, എസ്എച്ച്ഒ എ അക്ഷയകുമാർ എന്നിവരാണ് ഉണ്ടായിരുന്നതെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കുമെന്നും സംഭവത്തിൽ കൂടുതൽ അന്വേഷണം തുടരുകയാണെന്നും പൊലീസ് അറിയിച്ചു.

The death of a three-year-old child from a migrant worker family in Perumbavoor was confirmed as murder, police said. The stepfather, Moheshwar Chudiya (27), a native of Borbil, Assam, was arrested. He allegedly told the hospital that the child fell from the first floor, but injury marks led to further investigation. Police said he allegedly beat the child and hit his head against a wall.

### Related Links & Sources
- [Original Story Source](https://piravom.truevisionnews.com/news/390574/3-year-old-death-murder-stepfather-arrested)